Servicio obligatorio pa hobennan cu no ta bay scol (gearchiveerd)
ORANJESTAD – Lo yama hobennan entre 18 y 24 aña cu no ta bay scol pa drenta servicio civil obligatorio pa traha ariba nan disciplina y formacion pa drenta mercado laboral.
Esaki ta parti di e proyecto “Marine Vormings- en Opleidingstraject” pa yuda hobennan pa nan no bay ariba e caminda robes manera forma parti di un gang etc. Na augustus proximo lo start cu 75 hoben.
Prome ministro mr.Mike Eman a instala un grupo di trabou cu lo ta consisti di representantenan di sector di enseñansa, Departamento di Labor, Cuerpo Policial, Marina Real y di Oficina di Ministerio di Asunto General.
Lo traha den cooperacion cu e sector di mercado laboral pa dirigi e programa di formacion ariba e necesidadnan cu tin den e sector ey.
Minister di Defensa di Hulanda, Secretario di Estado di Defensa y Secretario di Estado pa Asunto di Reino a priminti di yuda tanto den forma organisatorio como financiero.
E grupo di trabou ta consisti di señora M. van Helvoort, director di Stichting EPB; E. Hofma, comandante di Marinierskazerne; P. Pronk di oficina di Ministerio di Asunto General; señora M. Meeuwisse di Departamento di Labor y E. Lake, hefe di seccion di Asunto Hubenil na Polis.
