Ministerio di Finansas, Comunicacion, Utilidad y Energia

Bou di Ministerio di Finansas, Comunicacion, Utilidad y Energia ta resorta e siguiente departamentonan:

APA | APFA | CAD | CBA |  DFIN  | DIRBEL | Douane | DTZ | MOT | SIAD  

APA

Pa Aruba Ports Authority N.V. ta aplicabel e siguiente datonan: 

Bolbe na cuminsamento

APFA

Pa Stichting Algemeen Pensioenfonds Aruba ta aplicabel e siguiente datonan:

Bolbe na cuminsamento

CAD

Pa Centrale Accountantsdienst ta aplicabel e siguiente datonan:

Servicio Central di Accountant (Centrale Accountantsdienst) ta e servicio interno di accountant pa Pais Aruba. CAD ta resorta bou di ministerio di Finansas, Comunicacion, Utilidad y Energia.
CAD ta controla e cuenta anual di Pais Aruba y suminstra un declaracion di accountant. E cuenta anual di Pais Aruba ta un documento importante pasobra pa medio di esaki Gobierno ta responsabilisa su mes na Parlamento tocante e maneho financiero cu el a hiba. Ademas di controla e ministerionan, CAD ta encarga tambe cu controla e companianan di gobierno y di cierto personanan huridico cu tin relacion cu Pais Aruba.

Pa yega na un declaracion di accountant, CAD ta controla e administracion financiero di e departamentonan di Gobierno. Como e accountant interno, CAD tin conocemento amplio di e organisacion y proceso di trabou di e ministerionan, servicio y departamento. Pesei CAD ta conseha tocante maneho di risico riba e tereno di:

• Confiabilidad den dunamento di informacion financiero y operacional;
• Efectividad y eficiencia di e proceso di trabou;
• Seguridad di propiedad;
• Cumplimento di ley y areglo di contracto.

Normalmente CAD ta haci investigacion ariba propio iniciativa. Ta scoge e proyectonan pa investiga a base di e balotacion di risico y e interes financiero. Ademas ta haci investigacion ariba peticion di Ministro y management di servicio y departamento.

CAD ta traha un rapport di cada investigacion y ta entreg’e na e ministronan concerni. Camara di ControlariaGeneral (Rekenkamer) y management di e departamento concerni tambe ta haya un copia di e raport.

Bolbe na cuminsamento

CBA

Pa Banco Central di Aruba (Centrale Bank Van Aruba) ta aplicabel e siguiente datonan:

Bolbe na cuminsamento

 DFIN

Pa Departamento di Finansas (Directie Financiën) ta aplicabel e siguiente datonan:

Departamento di Finansas ta encarga cu dunamento di conseho ariba tereno financiero-economico y cu supervision ariba administracion financiero di Gobierno na nomber di Ministro di Finansas, Comunicacion, Utilidad y Energia. E tareanan di Departamento di Finansas ta entre otro maneho di e cyclo di presupuesto, cyclo di capital, dunamento di informacion y control.

Departamento di Finansas ta responsabel pa entre otro:

• Duna conseho tocante preparacion y ehecucion di e maneho financiero-economico teniendo cuenta cu ‘good governance’;
• Traha, supervisa y conseha riba tereno presupuestario di Pais Aruba;
• Duna asistencia y aporte substancial na e Ministro y departamentonan riba e proceso di e ciclo anual di maneho y presupuesto;
• Maneha fluho di placa na nomber di Ministro di Finansas y
• Asunto Economico y supervisa e gastamento di esaki;
• Administracion financiero di Pais Aruba;
• Maneha e dunamento di informacion gubernamental/financiero riba nivel nacional como internacional;
• Controla cumplimento di reglanan di comptabilidad.

E ley y reglanan relevante (di comptabilidad) cu ta regla e competencia y responsabilidad ta describi entre otro den Constitucion di Aruba articulo V. 12 (presupuesto y cuenta anual) y articulo V. 13 (maneho financiero corecto) y ordenansa di comptabilidad 1989. Nan tur ta publica ariba e website aki.

Bolbe na cuminsamento

DIRBEL

Pa Direccion di Impuesto y Aduana (Directie Belastingen) ta aplicabel e siguiente datonan:

Bolbe na cuminsamento

Douane (Inspectie der Invoerrechten en Accijnzen)

 Pa Inspectie der Invoerrechten en Accijnzen ta aplicabel e siguiente datonan:

(De Douane is een onderdeel van de SIA)

Bolbe na cuminsamento

 DTZ

Pa Departamento di Asunto di Telecomunicacion (Directie Telecommunicatie Zaken) ta aplicabel e siguiente datonan: 

Meta di Departamento di Asunto di Telecomunicacion ta:

• Prepara, ehecuta y supervisa cumplimento di ley y reglamento deduci for di e leynan aki relaciona cu telecomunicacion;
• prepara, ehecuta y supervisa na un manera practico e maneho di e spectrum di frecuencia y monitor e uzo di aire di transmision;
• prepara y ehecuta maneho general di Gobierno riba tereno di telecomunicacion (maneho general, permiso, tarifa y dunamento di number);
• coordina y conseha pa loke ta trata asunto internacional di telecomunicacion y cu organisacionnan internacional di telecomunicacion.

Ehempel di infrastructura di comunicacion cu DTZ, di un of otro manera,  ta envolvi ta:

• Red di paging netwerken (instalacion di transmision di radio); Esaki ta un red cu cual ta haci transmision den un direccion di mensahe di voz y alfanumerico. Ta manda mensahe via e red di telefon pa un ‘paging terminal’ cu ta transforma e mensahe den un formato cual despues por transmiti sin waya via un instalacion di transmision pa un teminal chikito di cliente (instalacion pa ricibi);
• Internet Café via e infrastructura di SETAR. Internet Café ta localidadnan unda e cliente por haya acceso na Internet via terminal cu ta disponibel. Pa e bira atractivo pa e clientela ta cambia e luga manera un café;
• red di data cera pa compañia su mesun trabounan. Compañianan cu kier instala un conexion di data interno, hopi biaha wireless, entre nan edificionan por haci esaki;
• esaki ta concerni solamente conexion pa propio proceso di trabou y no por tuma lugar pa medio di un otro compañia. E conexion ariba e red di telefon publico por sosode solamente via di SETAR;
• telefon pa medio di Internet cu nan corespondiente Calling Cards. E conexion actual pa papia ta sosode mayoria biaha pa medio di circuito di schakel. Avance di Internet ta haci conexion pa papia basa riba protocol di Internet tambe posibel.

Bolbe na cuminsamento

MOT

Pa Meldpunt Ongebruikelijke Transacties ta aplicabel e siguiente datonan:

‘Meldpunt Ongebruikelijke Transacties’ ta un departamento di gobierno cu ta caiy bou di Ministerio di Finansas, Comunicacion, Utilidad y Energia. Na aña 1996 a institui MOT como resultado directo di recomendacion di Financial Action Task Force on Money Laundering (FATF).

Meta di MOT ta pa preveni y combati labamento di placa y financiamento di terorismo p’asina salvaguardia e integridad di e sistema financiero di Aruba.

E tarea primario di MOT ta pa compila informacion cu e ta haya. E ta registra, procesa y analisa e informacion pa investiga si e informacion aki por ta di importancia pa preveni y localisa crimen.

MOT tin un funcion administrativo y por lo tanto e no ta un organo investigativo.

Bolbe na cuminsamento

Servicio di Impuesto (SIAD)

Pa Servicio di Impuesto ta aplicabel e siguiente datonan:

Bolbe na cuminsamento

• Privacy
• Copyright
• Colofon
• Disclaimer