Ministerio di Asunto General

 Bou di Ministerio di Asunto General ta resorta e siguiente departamentonan:

ANA | ARA | BBSB | BID | BRB | BUVO | DBB | DIA | DPO | GEVMNL | GEVMVS | HBK-N | HBK-P | HBK-SC | HBK-Sav | HBK-SN | KWN | MKS | RVA | RVM | SER 

ANA      

Pa Archivo Nacional Aruba ta aplicabel e siguiente datonan:

Archivo Nacional Aruba (ANA) ta e departamento cu ta warda, cuida y proteha nos archivonan (documentonan, potretnan, video’s, cassette etc.), cu tin un balor historico pa Aruba.
E archivonan ta manera e ‘memoria nacional y herencia cultural’ di nos pais.

ANA tin como meta pa amplia e servicio completo y perfecto, na unda nos herencia nacional-cultural-historico ta keda warda y usa na un manera responsabel na disposicion di esnan cu kier haci investigacion, esnan cu ta buscando informacion of derechonan, y tambe pa e futuro generacionnan cu kier sa mas di e historia di nos pais.

ANA su tarea principal, ta pa warda, cuida y conserva tur e archivonan cu ta cerca ANA of na e otro departamentonan.

Por concidera como tarea di ANA entre otro:

• Administra tur archivonan ricibi for di gobierno of instancianan particular;
• inspecciona e cuido di archivonan di gobierno en general;
• conseha gobierno riba maneho general di archivo di pais Aruba;
• controla, ordena, describi y haci e archivonan accesible pa investigacion;
• duna informacion relaciona cu e documentonan warda den e archivo;
• haci investigacion y publicacion di e investigacionan;
• haci investigacion genealogico (stamboom) pa esnan cu ta interesa den nan historia familiar;
• haci reproduccion di potret, video, etc.

Vision pa futuro, ANA kier amplia e servicionan entre otro dor di:

• Bira e deposito central pa e archivonan di gobierno;
• bira un centro di informacion y investigacion;
• ofrece e posibilidad na otro personanan of instancianan pa warda nan archivo;
• Stimula interes den historia cerca e comunidad, dor di:
  • Ofrece e facilidad di un sala di estudio pa muchanan y adultonan;
  • un centro di educacion y actividad na unda lo duna cursonan/lecturanan riba tereno di archivo y historia di Aruba.
    

Orario general: dialuna-diabierna di 7.30 a.m. – 12.00 p.m. – 1.00 p.m. – 4.30 p.m.
Orario Sala di estudio: dialuna – diabierna di 8.00 a.m. 11.45 a.m. – 1.30p.m. - 4.00 p.m. 

Bolbe na cuminsamento 

ARA

Pa Contralaria General (Algemene Rekenkamer) ta aplicabel e siguiente datonan:

Bolbe na cuminsamento 

BBSB

Pa Oficina di Censo y Registro Civil (Bureau Burgerlijke Stand en Bevolkingsregister) ta aplicabel e siguiente datonan:

Bolbe na cuminsamento 

BID 

Pa Servicio Interno di Gobierno (Bureau Interne Diensten) ta aplicabel e siguiente datonan:

'Bureau Interne Diensten’ ta manera e nomber mes ta bisa, un departamento cu principalmente ta brinda servicio na e otro departamentonan di gobierno. E tarea primordial di ‘Bureau Interne Diensten’ ta percura pa registracion di corespondencia y maneho di archivo pa Gobierno. ‘Bureau Interne Diensten’ ta tambe e instancia oficial dentro di gobierno na unda mester dirigi tur corespondencia pa Ministronan pa registracion. BID ta percura tambe pa manda carta Decreto nacional, Decision di Ministro y contract.

E oficina a defini e siguiente metanan pa su mes:

• Profesionalisa e dunamento di servicio poniendo mas enfasis ariba e cliente;
• implementa y maneha funcionalmente e sistema automatisa pa maneho central di registracion di corespondecia pa gobierna, esta DECOS Document Web Editie;
• stipula e maneho di documento y archivo na tur otro departamento;
• optimalisa e trafico di corespondencia y dunamento di servicio entre e departamentonan y ‘Bureau Interne Diensten’ dor di uza e servicio central di bode y e oficina central di compra.

Bolbe na cuminsamento

BRB

Pa Oficina di Prevencion di Desaster (Bureau Rampenbestrijding) ta aplicabel e siguiente datonan:

Aki ta sigui un resumen di e mision, vision, meta y e tareanan di Oficina pa Prevencion di Desaster (Bureau Rampenbestrijding).

• Oficina pa Prevencion di Desaster tin como mision; desaroya y implementa un maneho optimal riba e tereno di organisacion di control di crisis y combatimento di desaster, p’asina garantisa e seguridad general di bida y salud di e pueblo, medio ambiente y economia di Aruba;
• Vision di Oficina pa Prevencion di Desaster ta pa den un futuro cercano, e organisacion di control di crisis y combatimento di desaster ta di tal manera avansa, cu tin un cooperacion optimal entre diferente departamento y organisacion y cu e intercambio di informacion relevante entre nan ta na un manera flexibel;
• Oficina pa Prevencion di Desaster tin como meta pa promove e calidad di combatimento di desaster na Aruba pa medio di e tareanan cu tin stipula den  legislacion, p’asina por realisa un comunidad resistente, consciente y dooor di esey mas sigur, unda cada ken ta tuma su responsabilidad.
  
  Tareanan/competencia:
  
• Duna sosten na Minister di Asunto General den ehecucion di su tareanan sipula pa of den virtud di e Ley di Calamidad;
• conseha gobierno en general y e Minister di Asunto General en especial, cu of sin dialogo cu otro instancianan tocante control di crisis y combatimento di calamidad;
• prepara, desaroya y implementa e maneho relaciona cu control di crisis y combatimento di desaster y pa percura pa e plan di crisis, plan di calamidad y pa e plannan di control y combatimento;
• prepara e parti operacional di e plannan di comunicacion y di logistica y prepara pa tuma of laga tuma medidanan dirigi riba prevencion di crisis y desaster door di e instancianan competente;
• prepara y realisa cursonan, practicanan y percura pa evalua practicanan y ehercicionan (training);
• prepara y mantene facilidadnan di infrastructura pa e directiva encarga cu control di crisis y combatimento di desaster, manera material, ekipo, alohamento protehi y aparatonan di comunicacion;
• percura pa informacion y notificacion den caso di crisis of desaster y percura pa evaluacion despues cu un desaster y crisis a tuma luga;
• evalua e plannan di control y combatimento existente y nobo tocante di crisis y desaster a base di e leynan, decisionnan, reglanan y/of ordenansanan relevante y haci e cambionan necesario.

Bolbe na cuminsamento

BUVO

Pa Servicio Informativo di Gobierno (Bureau Voorlichting) ta aplicabel e siguiente datonan:

E vision, mision, e meta y e tareanan di Servicio Informativo di Gobierno (BUVO) ta encera lo siguiente:

Vision
Pa e servicio di informacion y di comunicacion di gobierno ta forma parti di e maneho total di gobernacion p’asina e comunicacion entre gobierno y e ciudadano ta mas habri y transparente.

Mision
Promove e cooperacion entre tur instancia gubernamental cu ta duna servicio di informacion y di comunicacion pa gobierno pa garantisa un servicio di informacion solido y uniforme externo basa ariba eficiencia y efectividad.

Meta:

• Pa promove un relacion transparente entre gobierno y e publico (ciudadano, gruponan di interes, industria y comercio) door di suministra tanto informacion como comunicacion tocante e maneho di gobierno.

Tareanan

• Percura pa suministra material informativo pa publico via e medionan di comunicacion local;
• coordina campañanan di informacion cu otro departamentonan gubernamental;
• mantene contacto cu prensa internacional y guia nan tambe rond di e isla;
• haci investigacion relaciona cu e maneho di e informacion y comunicacion di gobierno;
• registra y archiva material audiovisual/fotografico pa e departamentonan di gobierno, ministernan, Parlamento y Kabinet di Gobernador;
• duna conseho tocante asunto di protocol;
• organisa conferencia di prensa;
• concipia, traha y manda anuncio pa corant y spot pa radio y television;
• suministra informacion na publico;
• traha material informativo specifico pa gruponan special (muchanan di scol);
• co-ehecucion di e ley di transparencia di gobernacion;
• participa den planeamento, guia y maneho di e website di gobierno. 
   

Bolbe na cuminsamento

DBB

Pa Departamento di Relacion Exterior (Directie Buitenlandse Betrekkingen) a aplicabel e siguiente datonan:

Bolbe na cuminsamento

DIA 

Pa Directie Informatievoorziening en Automatisering ta aplicabel e siguiente datonan:

Departamento di Informatica y Automatisacion ta encarga cu maneho di e infrastructura di informacion y comunicacion manera cu ta uz’e den e aparato gubernamental Arubiano. E infrastructura di TIC (Tecnologia di Informacion y Comunicacion) ta basa ariba un cantidad di componente 'state-of-the-art' manera un red masha confiabel cu practicamente ta conecta tur departamento cu otro, posibilidad di comunicacion entre e departamentonan y diferente sistema di computer cu ta asisti diferente departamento den ehecucion di nan trabou diario.

DIA tin un cantidad di empleado talentoso y cualifica cu ta varia di tecnico di computer te specialista den administracion di empresa, den servicio pa por realisa loke ta ariba menciona. Ora di busca empleado pa yena vacatura, DIA ta uza criterio stricto pa seleciona un empleado pa asina garantisa cu su nivel di calidad ta keda manteni. Tur empleado ta labora na e oficina di DIA na Playa, na unda e Servicedesk central tambe ta estableci. E sala di computer ta ubica na un otro sitio ariba e isla.

Fuera cu DIA ta maneha diariamente e rednan di computer y comunicacion cu ta den uzo, e ta envolvi tambe den un cantidad grandi di proyecto cu den mayor of menor medida tin di haber cu TIC. Asina DIA tabata entre otro envolvi cu e desaroyo di e website aki.

DIA semper ta interesa pa haya contacto cu empleadonan potencial. Si tin interes pa sera conoci di mas cerca cu nos, por tuma contacto cu nos pa medio di e adres di E-mail aki riba menciona.

DPO

Pa Departametno di Personal y Organisacion (Directie Personeel en Organisatie) ta aplicabel e siguiente datonan:

E tarea esencial di Direccion di Personal y Organisacion (DPO) ta:

• desaroya y realisa e maneho di personal y organisacion di Gobierno di Aruba.

E mision di DPO ta:

• pa medio di desaroya y realisa un maneho eficaz y eficiente di personal y organisacion, contribui na un organisacion publico cu ta funciona optimalmente y cu por brinda servicio y producto di un nivel di calidad halto na e comunidad Arubano.

Banda di mision tambe a formula un vision.

• E vision di DPO ta pa den un periodo mas cortico cu ta posibel, transforma DPO den un organisacion cu ta funciona optimalmente; un organisacion caracterisa pa un maneho participativo, empleadonan cu ta capacita y motiva, como tambe pa e grado halto di innovacion, unda ta traha dirigi riba resultado y cu e cliente ta central.

E metanan principal di DPO ta:

• Contribui na un organisacion gubernamental cu ta funciona eficaz y eficiente;
• contribui na profesionalisa e organisacion gubernamental pa medio di un maneho dirigi pa loke ta trata curso, formacion y training (maneho integral di OVT- opleiding, vorming en training);
• contribui na aumenta e motivacion y productividad dentro di e organisacion gubernamental;
• percura pa un ocupacion optimal di personal di e organisacion gubernamental basa riba calidad y cantidad;
• percura pa un aplicacion uniforme y consistente di e areglonan tocante posicion huridico y instruccion tocante maneho;
• modernisa e maneho di personal y organisacion riba un base continuo;
• mehora e calidad di servicio di DPO;
• contribui na mehoracion di e calidad di servicio interno y externo di e organisacion gubernamental;
• contribui na un miho forma pa duna informacion na nivel di gerencia y responsabilisacion riba tereno di asunto di personal y organisacion.

Bolbe na cuminsamento

GEVMNL

Pa Ministro Plenipotenciario di Aruba na Hulanda (de Gevolmachtigde minister van Aruba in Nederland) ta aplicabel e siguiente datonan:

Bolbe na cuminsamento

GEVMVS

Pa Ministro Plenipotenciario di Aruba na Washington (de Gevolmachtigde Minister van Aruba na Washington) ta aplicabel e siguiente datonan:

Bolbe na cuminsamento

HBK-N

Pa Oficina di Gobierno den districto di Noord (Hulpbestuurskantoor Noord) ta aplicabel e siguiente datonan:

Bolbe na cuminsamento

HBK-P

Pa Oficina di Gobierno den districto di Paradera (Hulpbestuurskantoor Paradera) ta aplicabel e siguiente datonan:

Bolbe na cuminsamento

HBK-SC

Pa Oficina di Gobierno den districto di Santa Cruz (Hulpbestuurskantoor Santa Cruz) ta aplicabel e siguiente datonan:

Bolbe na cuminsamento 

HBK-Sav

Pa Oficina di Gobierno den districto di Savaneta (Hulpbestuurskantoor Savaneta) ta aplicabel e siguiente datonan:

Bolbe na cuminsamento 

HBK-SN

Pa Oficina di Gobierno den districto di San Nicolas (Hulpbestuurskantoor San Nicolaas) ta aplicabel e siguiente datonan:

Bolbe na cuminsamento 

KWNA

Pa Comandante Warda Costa Antiyas Hulandes y Aruba (Comm.van de Kustwacht voor de Nederlandse Antillen en Aruba) ta aplicabel e siguiente datonan:

Bolbe na cuminsamento

MKS

Pa Cuerpo di Marina Real (Korps Koninklijke Marine/ Marinierskazerne Savaneta) ta aplicabel e siguiente datonan:

Bolbe na cuminsamento

RVA

Pa Organo Consultativo ( Raad van Advies) ta aplicabel e siguiente datonan:

Bolbe na cuminsamento

RVM

Pa Secretario di Conseho di Ministro (Secretaris van de Ministerraad) ta aplicabel e siguiente datonan:

Bolbe na cuminsamento

SER

Pa Conseho Social Economico (Sociaal Economische Raad) ta aplicabel e siguiente datonan:

Bolbe na cuminsamento

• Privacy
• Copyright
• Colofon
• Disclaimer