Catalogo di Producto y Servicio
Den Catalogo di Producto y Servicio bo por haya tur informacion tocante di e producto y servicionan cu gobierno ta brinda bo. Pa un gran mayoria di e productonan aki ta conta cu bo por download formularionan directo for di e Catalogo di Producto y Servicio pa bo por caba di procesa nan na cas. Por ehempel bo por download un formulario pa solicitud, yen’e y despues entreg’e na e instancia concerni. Pa e otro producto y servicionan, bo por haya na e momento aki, solamente informacion mas importante: unda bo mester ta pa haya e producto of servicio, kico bo mester presenta pa por bin na remarca pa haya e producto of servicio, cuanto e producto of servicio ta costa y cu cuanto tempo bo mester tene cuenta cu bo tin pa warda pa haya e producto of servicio.
Gobierno ta aspira mas y mas pa tur su producto y servicionan por ta accesibel pa medio di e Catalogo di Producto y Servicio aki.
Tin tres manera di busca den e Catalogo di Producto y Servicio:
| Pa medio di e manera di busca aki, bo por busca den tur tema manera cu nan ta menciona bou di ‘GOBIERNO NA BO ORDO’. Haciendo uso di un palabra clave bo por haci e buskeda mas precies. |
| Pa medio di e manera di busca aki, bo por busca den un cantidad di ‘Sucedido den bida’ cu ta defini di adelanta. Haciendo uso di un palabra clave bo por haci e buskeda mas precies. |
| Tambe ta posibel pa haya un lista alfabetico general di tur producto y servicio y busca e producto of servicio desea den e lista general aki. |
Practicamente tur informacion cu bo por download di e website aki ta den e asina yama PDF format. Esaki kier meen cu bo mester tin Adobe Acrobat Reader™ di Adobe® instala riba bo computer pa bo por lesa y print e informacion. Si acaso ainda bo no tin Acrobat Reader™ , bo por download e gratis dor di click riba e siguiente icon:
