Turismo

Desde conocemento di hende, hende ta usa e instrumento di ‘negoshi di intercambio’ pa por provee den su necesidadnan: cuminda, paña, bibienda. Pa motibo cu no tin ‘un cantidad sin limite’ di e productonan aki disponibel, ta nombra esaki nan como ‘productonan scars’.

Economia ta e ciencia cu ta ocupa su mes cu produccion y reparticion di producto y servicio scars. Den e contexto aki ‘macro economia’ ta indica e desaroyonan economico riba nivel nacional Arubano, esta entrada nacional, oportunidad di trabou, balansa di pago, consumo, inversion y gastonan di gobierno.

Mientrastanto, ya pa basta tempo caba, intercambio no ta tumando lugar mas.… of bon mira, ta asina si cu ainda e ta tuma lugar. Solamente no cu cabrito y cocolishi pero (desde Edad Medio) cu placa. E cantidad total di placa disponibel ta influencia e crecemento economico. Por ehempel, ora cu tin mas placa consumidornan ta gasta mas cu ta wordo produci. Preisnan ta subi y ta surgi inflacion. Lo contrario tambe ta posibel, pues ora cu tin poco placa, consumidornan ta gasta poco y desempleo ta crece. Den e caso aki e desaroyo economico ta stagna y ta surgi receso. Gobierno tin un rol activo den regulacion di e proceso aki.