Cultura, Deporte y Recreacion
Pa un comunidad chikito manera Aruba ta hopi importante pa salvaguardia su propio identidad di pasado y presente. Pesey Gobierno di Aruba ta duna balor na cuida y promove nos cultura Arubiano. Cultura ta hopi diversifica y ta contene hopi aspecto manera edificio monumental, canto y baile folclorico, cuminda crioyo pero tambe arte plastico moderno. Den tempo di necesidad, cantica, texto y obra di arte por ta un sosten cu ta brinda consuelo y speransa. Monumento y rikesa di arte por haci un pasado comparti visibel y ta brinda asina un conexion importante entre diferente pais. | Stan Kuiperi - “Cadushi Largo”, 2006 |
Pa medio di cada un su experiencia cultural, e ciudadano mester por haya su lugar den e diversidad cultural di e comunidad Arubiano di awendia y asina e por ta capaz pa ta tolerante, tin respet pa otro y promove paz den nos comunidad. Door di conscientisacion di e cultura propio un ciudadano por mustra respet pa e ambiente cultural, natural y medio ambiente. E promocion di diferente expresion cultural awor aki ta un estimulo pa ta habri pa experiencia arte y cultura en general, tanto pa e poblacion local como pa e bishitante di nos is
