Turismo
Link naar website van www.aruba.com
Kiezerslijst 2013
Arubahuis
Green Aruba where Europe meets the Americas

Transportacion di enfermo

Transportacion urgente di enfermo | Transportacion no-urgente di enfermo | Transportacion cu rolstoel | Ambulans aereo | Helicopter di rescate

Transportacion urgente di enfermo

Gobierno di Aruba ta encarga Instituto Medico San Nicolas (ImSan) cu transporte urgente di enfermo. Ciudadanonan por pidi servicio di ambulance via e number di alarma 9-1-1. Pa ehecuta e tarea aki, ImSan tin na su disposicion e asina yama “advanced life support” ambulancenan cu 24 ora pa dia por sali for di tres diferente post.

Bolbe na cuminsamento

Transportacion no-urgente di enfermo

ImSan ta un dunado di cuido medico na publico y ta encarga cu un parti di transporte no urgente di enfermo. ImSan ta duna e servicio riba peticion di particular of di AZV y un organisacion particular (LifeLite) ta ehecuta e otro parti di e servicio. E asina yama transporte riba peticion of transporte cu por planea, ta contribui grandemente pa haci cuido di salud mas accesibel na Aruba. Por pidi transporte di enfermo no urgente via telefon (297)524-8833 (ImSan) of (297) 585-9764 (LifeLite)

Bolbe na cuminsamento

Transportacion cu rolstoel

E dunado di cuido particular LifeLite ta duna e servicio di transporte di pashent cu ta limita den su mobilidad (cu no por cana of cu tin dificultad pa cana) cu bus cu por transporta rolstoel of taxi (unda e pashent por drumi). Por tuma contacto cu LifeLite na telefon (297) 585-9764.

Bolbe na cuminsamento

Ambulans aereo

Pa un comunidad chikito manera Aruba ta esencial pa por transporta pashent na clinica specialisa den exterior, unda tin mas posibilidad pa tratamento disponibel. Transporte di pashent cu avion di ambulance ta tuma luga riba un base regular riba instruccion di AZV y menos frecuente door di seguro di cuido di exterior y di particular.
Taira Air den cooperacion cu team medico di ImSan ta haci e vuelonan di air ambulance cu ta sali for di Aruba y cu destinacion pa Aruba
Tambe por pidi transporte di pashent cu avion air ambulance via number di telefon (297)588-4272 (Tiara Air).

Bolbe na cuminsamento

Helicopter di rescate

E parti noord di Aruba conoce areanan cu den caso di emergencia no ta facilmente accesibel via caminda publico. Den caso asina ta duna asistencia medico urgente cu helicopter di polis, unda polis ta traha den cooperacion cu team medico di ImSan. Den caso di emergencia por tuma contacto cu number di alarma 9-1-1.

 

Bolbe na cuminsamento