Turismo
Link naar website van www.aruba.com
Kiezerslijst 2013
Arubahuis
Green Aruba where Europe meets the Americas

“Cunucu di Chabelito”

Descripcion

Si bo ta gusta bestia, anto un bishita na e cunucu di mucha sigur ta na su lugar. Na 1997 a habri na Santa Rosa “Cunucu di Chabelito” cu ta un proyecto conhunto di Santa Rosa y Departamento di Enseñansa. E cunucu ta sirbi como apoyo pa e programa di enseñansa di Departamento di Enseñansa, unda muchanan por tin contacto directo cu bestianan di cas pa agricultura y parhanan local. 

Kinderboerderij Na un manera practico y den forma di wega e muchanan ta haya conocimento, pero tambe respet pa otro sernan bibo. E cunucu pa mucha ta funciona y ta cumpli cu un necesidad, aunke cu claramente a resulta cu e bishitanan ta mas tanto for di e punto di bista recreativo y no segun e meta di e cunucu. Scolnan, crèche y fundacionnan manera FAVI y famianan ta bishita e cunucu regularmente. Klasnan di scol y otro gruponan por haci un cita pa un bishita cu guia na “Cunucu di Chabelito”.

Por combina esaki cu un bishita na e otro departamentonan di Santa Rosa. Docentenan por pidi informacion adelanta of por pidi un pakete di les relaciona cu e bestianan cu tin den e cunucu.

Loket

Caha di Santa Rosa(DLVV)

Trece cu bo

Durante e bishita cu guia tin oportunidad di come y bebe loke cu e grupo mes ta trece cune (bou di e gazebo).  

Duracion

Depende di e planeamento, trabounan, condicion di tempo y peticionnan. Ta evita cu mas grupo ta riba e mesun ora na e mesun departamento. 

Gasto 

Te cu proximo aviso ningun.  
Pa e pakete di les mester paga un deposito di Afl. 25,00. Ta debolbe e deposito ora cu debolbe e pakete completo di les cu a fia.

Pa mas informacion

Santa Rosa(DLVV) -  Seccion di Informacion y Educacion

Orario:

Habri pa publico:Dialuna pa    
diabierna 
  7.00 – 12.00 
13.00 – 16.00  
Orario di caha:Dialuna pa    
diabierna  

  7.30 – 12.00
13.00 – 15.00   

Fin di siman, dianan di fiesta y dianan di ATV ta cera pa publico