Servicio pa prepara tereno pa planta

  • Descripcion

    Agricultor por haci un peticion na Santa Rosa/DLVV pa trabao pa prepara e tereno pa planta y cosecha. Pa e meta aki Santa Rosa ta para cla pa yuda e productornan agrario cu machin y personal. Trabao pa prepara tereno pa planta ta encera cu ta uza un tractor di dos y cuater wiel y vehiculo pa un bon preparacion di tereno unda ta planta e simia pa nan spruit. Den tera bon prepara, sin cu tin demasiado yerba malo ta crece, e mata/ramanan por desaroya mas lihe y por crece completamente. Door di esaki ta sigura cu e cosecha ta mas grandi y cu ta haya un mihor produccion. Santa Rosa/DLVV ta haci e trabaonan pa productor registra den e sector primario di cua nan entrada ta depende pa un gran parti di e produccion di nan cosecha. Santa Rosa no ta transporta e sushi despues di e tratamento di e tereno. E costo ta depende di e cantidad di ora di trabao di e machin y e empleadonan. 

  • Unda pa pidi'e? / Mas informacion na

    Cahera di Santa Rosa (DLVV)

    Habri pa publico: dialuna te cu diabierna di 7.00 – 12.00 y di 13.00 – 15.00
    Fin di siman, dianan di fiesta y dianan di ATV ta cera pa publico 

  • Cuanto tempo ta dura pa hay'e?

    Ta depende di planeamento, capacidad y condicion di tempo.

  • Cuanto e ta costa?

    Te cu proximo aviso:

    Ara y plat e terono Awg. 60,- pa mita dia
    Corta yerba Awg. 15,- pa ora y minimaal 4 ora
    Coba buraco pa trankera Awg.   5,- pa cada buraco

     

  • Kico mi tin di hiba cu mi?

    Adres di e lugar y e accesibilidad. Na e lugar ta inventarisa e superficie y e condicion di e tereno cu tin cu traha riba dje, p’asina por determina cua trabao tin cu haci y e costonan envolvi. Tin cu paga prome cu cuminsa cu e trabaonan cu placa cash of cu cheque.

  • Zie ook