Registro di Personal (Lista di personal y Manpowerplanning)

  • Descripcion

    Segun articulo 30 di Ley di Labor 2013 (Arbeidsverordening 2013) e dunado di trabou ta obliga di entrega e registro di personal na Departamento di Labor (DAO).

    Pa medio di e registro di personal Departamento di Labor por haya un bista di e cantidad di negoshi cu ta activo riba e mercado laboral y e grandura di nan personal. E formulario di e registro di personal a bin na lugar di e formulario di personeelsopgave y e formulario di manpowerplanning.

    E registro di personal ta consisti di tres parti:

    • e personal actual manera registra na december 2016 (ta cuadra cu e lista anterior di personal);
    • e necesidad pa personal pa 2017 ( ta cuadra cu e Manpowerplanning)
    • y e necesidad di personal pa cada proyecto specifico (ta cuadra cu e parti tocante proyectonan den e Manpowerplanning).

    Den caso cu bo tin mas sucursal, DAO ta haci un peticion pa yena un formulario cu tur dato di trahado y pa indica cua trahado ta rouleer na bo sucursalnan (trahado cu ta traha na diferente sucursal), door di pone un circulo rond di e number (prome kolom Nr. riba e formulario).

    Ta anuncia of publica tur aña e ultimo fecha pa entrega e formulario pa e registro di personal.  Pa 2017 mester entrega e registro di personal no mas laat cu 31 di mei, 2017.

    Ehecucion di articulo 30, di dos inciso, di e Ley Laboral 2013 ta regla den Decreto Nacional di Ley registro Ley di Labor 2013. Articulo 30, inciso 2 ta regla e model y e obligacion di e doño di trabao pa entrega e registro di personal (PR) na Departamento di Labor (DAO).

  • Kico ta e condicionnan?

    E formulario original di registro di personal mester ta yena completamente. Si ta entrega e informacion digital, mester entrega e formulario di e registro di personal original hunto cune.

  • Unda pa pidi'e? / Mas informacion na

    Por download e formulario y e instruccionnan tocante e formulario, aki bao:

    Of bo por acudi na Departamento di Labor.

  • Cuanto tempo ta dura pa hay'e?

    Ora di entrega e registro di personal bo ta haya un recibo (ontvangstbewijs). E tempo di warda pa un recibo ta di mas o menos 5 minuut.

  • Kico mi tin di hiba cu mi?

    E formulario di registro di personal completamente yena. Por manda e informacion rekeri den forma digital via arbeidsmarktonderzoek@gmail.com. 

    DAO ta desea pa companianan manda e Registro di Personal 2016 – 2017 den forma digital. P'esey DAO ta haci un peticion pa hinca e datonan den un Excel spreadsheet (segun e modelo di DAO) y manda nos esaki via e e-mail adres ariba menciona. Si ta scoge pa e manera aki di entrega e formulario, e ora ey ta pidi bo pa yena e prome pagina (voorblad) di e formulario Modelo 1A, Modelo 1B y Modelo 1C di Registro di personal cu e datonan di bo compania y e datonan di contacto. Por scan e prome pagina y tambe mand’e via e-mail hunto cu bo Excel-sheet. DAO lo manda bo via un e-mail un comprobante cu a ricibi bo formulario di Registro di Personal 2016-2017 y di aprobacion of di desaprobacion. Claro cu tambe ta posibel pa yena e formulario y entrega e hard copy na e balie di DAO.

  • Zie ook