Peticion pa Pensioen di Behes

  • Descripcion

    Entrante 1 januari 2015 e edad di pensioen ta subi pa 60,5 aña. E edad di pensioen lo sigui subi cada aña cu 6 luna te cu 1 januari 2024 ora e edad di pensioen ta subi te cu 65 aña. Pa ta un asegurado un persona mester a biba na Aruba entre e edad di 15 aña y e edad di pensioen. Tur persona cu ta asegurado na Aruba pa e pensioen di biehes por aplica pa por ricibi e pensioen despues di a yega e edad di pensioen segun e Ley di pensioen di behes.

    Entrante prome di januari 2012 e Flexpensioen-AOV a drenta na vigor. E Flexpensioen-AOV ta encera cu e persona cu yega su edad di pensioen y ta haya e derecho riba un  pensioen di biehes di SVb, ta haya e derecho tambe pa pospone cobransa di su pensioen  cada vez cu 1 aña. Esaki ta nifica cu por ehempel un persona por scoge pa no cobra su pensioen di biehes ora e yega 61 aña pero ta lag’e aden pa un aña y por cuminsa cobra  esaki cu su 62 aña. E siguiente aña e persona por bolbe dicidi di pospone e pensioen cu un otro aña, pa asina e cobra esaki cu 63 aña. Esaki e por haci pa un maximo di 5 biaha. Pa cada aña cu un persona pospone su pensioen di biehes, e suma di su pensioen acumula te na e momento ey ta aumenta cu 7%.

    Un luna prome cu bo derecho riba pensioen cuminsa bo mester acudi na departamento di Pensioen di SVb pa entrega e peticion pa pospone bo pensioen. Mester corda cu bo derecho riba pensioen ta cuminsa e luna siguiente na esun cu bo a cumpli bo edad di pensioen. Si bo ta cumpli aña na januari, bo derecho riba pensioen ta cuminsa na luna di februari.

  • Unda pa pidi'e? / Mas informacion na

    Na Banco di Seguro Social (SVb), Departamento di Pensioen tin un formulario disponibel pa por haci peticion. Un empleado di Banco di Seguro Social ta yena hunto cu bo e formulario pa haci peticion. Ta recomendabel pa presenta na SVb entre 3 pa 6 luna prome cu yega e edad di pensioen.

  • Cuanto tempo ta dura pa hay'e?

    Minimo 4 luna

  • Kico mi tin di hiba cu mi?

    • un pasfoto;
    • number di cuenta bancario
    • carnet di banco;
    • trouwboek (si ta casa);
    • cedula;
    • declaracion di inscripcion na Censo (obtenibel na Censo Awg.10,-).
  • Zie ook