Papel di bon conducta

  • Descripcion

    Esaki ta un prueba cu ta mustra cu bo conducta den pasado no ta un obstaculo pa por haci un tarea specifico of un trabou den comunidad. Ministerio Publico ta tira bista den registro di husticia y polis pa wak si den pasado bo a comete un acto castigabel. Si bo no tin un strafblad, e ora ey bo ta haya bo papel di bon conducta.

  • Kico ta e condicionnan?

    • Bo mester tin nacionalidad Hulandes
    • Bo mester ta inscribi na Censo/Registro Civil
    • Bo no mester tin strafblad


    Un persona ta haya un papel di bon conducta solamente si for di investigacion tocante su conducta a resulta cu no tin nada contra e persona aki.

  • Unda pa pidi'e? / Mas informacion na

    Por haci peticion na  balie di Ministerio Publico, entrada ta den Havenstraat 2 (otro band’i caminda di Renaissance Mall).

    • Bo tin cu pasa personalmente na e balie di Ministerio Publico pa pidi bo papel di bon conducta;
    • Bo mester busca e papel personalmente unda a pidi’e;
    • Bo por haci peticion pa papel di bon conducta solamente riba diamars y diahuebs di 07.00 -11.30 mainta y di 13.00 - 15.30 atardi na oficina di Ministerio Publico. Por busca e papel di bon conducta unicamente riba diamars y diahuebs.
  • Cuanto tempo ta dura pa hay'e?

    2 siman

  • Cuanto e ta costa?

    Ora di busca e papel di bon conducta mester paga Awg. 40,-

  • Kico mi tin di hiba cu mi?

    Prueba di identificacion valido, sea cedula, paspoort y rijbewijs;
    Papel di 5 florin no mas bieu cu 3 luna.

  • Zie ook