Klein vaarbewijs (y duplicado)

  • Descripcion

    Si bo kier ta tras di e timon di un boto, bo mester tin un vaarbewijs valido, segun articulo 3 di e Landbesluit Openbare Wateren en Stranden. E vaarbewijs ta valido te e dia cu bo cumpli 65 aña. Den caso cu bo perde bo vaarbewijs, bo por pidi un duplicado na e balie di Directie Scheepvaart.

    Articulo 4 di Landsbesluit Openbare Wateren en Stranden ta haci mencion di e casonan na unda ta haci excepcion pa loke ta trata un vaarbewijs. No mester di un vaarbewijs den caso cu:

    • ta uza e embarcacion exclusivamente of principalmente pa nabega  pa y for di un destinacion pafor di Aruba y e capitan tin un diploma valido di   nabegacion y di pesca riba lama;
    • ta move e embarcacion solamente door di propio esfuerso (door di forsa bruto);
    • ta uza e embarcacion solamente pa chupa lodo pa habri ruta di nabegacion y e embarcacion ta mara na e sitio unda e ta haci e trabao;
    • e embarcacion ta un  barco pa biba aden y no ta wordo uza pa nabega;
    • e embarcacion ta pertenece na e categoria di entre otro jetski, scooter di awa, y no ta uze den combinacion cu waterski.
  • Kico ta e condicionnan?

    • bo mester tin diploma di “Klein Vaarbewijs” locual bo por haya door di sigui e curso na Enseñansa Pa Empleo cu exito. E curso ta dura 6-8 siman;
    • bo mester tin 18 aña pa por haya un vaarbewijs.
  • Unda pa pidi'e? / Mas informacion na

    Balie di Departamento di Inspeccion di Nabegacion (Directie Scheepvaart) 

  • Cuanto tempo ta dura pa hay'e?

    No mas laat cu 3 dia di trabou 

  • Kico mi tin di hiba cu mi?

    • diploma original di "Klein Vaarbewijs" cu dos potret (pasfoto) recien;
    • un prueba di identificacion valido;
    • un stampia di Awg. 20,- obtenibel na Postkantoor.

    Duplicado
    Pa un duplicado mester trece:

    • un potret (pasfoto) recien;
    • un prueba di identificacion valido;
    • un stampia di Awg. 20,-.
  • Zie ook