Keuringskaart (keurmento di vehiculo di motor)

  • Descripcion

    Pa por core cu un vehiculo di motor cu ta mas bieu cu tres aña riba caminda publico di Aruba, e vehiculo di motor mester ta gekeur (mester tin un keuringskaart), esaki segun e articulo 16 inciso 1 di e Ley cu ta regarda trafico (Landsverordening wegverkeer). Segun articulo 15 inciso 1 di e Decreto nacional pa prueba di keur (Landsbesluit rij-en keuringsbewijzen), e keuringskaart ta valido pa dos aña, pa vehiculo di motor cu uzo como transporte propio y pa tur otro vehiculo di motor cu tin un otro meta como uzo e validez ta pa un aña.

    Pa transporte di persona e Ley di transporte di persona (Landsbesluit personenvervoer) ta valido.

  • Kico ta e condicionnan?

    Pa haya un keuringskaart e vehiculo di motor mester por pasa e keurmento na unda ta controla si e vehiculo ta cumpli cu e rekisitonan menciona den e Decreto nacional di reglanan di vehiculonan (Landsbesluit voorschriften voertuigen).

  • Unda pa pidi'e? / Mas informacion na

    Keurmento di vehiculo di motor ta tuma lugar segun afspraak. Por traha afspraak na e balie di Departamento di Inspeccion Tecnico (DTI). Mester duna number di auto, nomber y number di telefon di e doño. Tambe mester paga cu placa exacto pa e keurmento y e keuringskaart. Por cambia e afspraak un biaha y por haci'e te un dia prome cu e afspraak. Si no presenta mester paga di nobo ora traha un otro afspraak. Ta haci excepcion solamente den caso di urgencia, p.e. fayecimento den famia.

    Kermento di vehiculo di motor cu un peso bashi te cu 3500 kg Awg. 30,- Leges pa haya e keuringskaart Awg. 20,- Totaal Awg. 50,-
    Keurmento di vehiculo di motor cu dos as cu un peso bashi riba 3500kg Awg. 60,- Leges pa haya e keuringskaart Awg. 20,- Totaal Awg. 80,-
    Keurmento di vehiculo di motor cu mas cu dos as Awg. 30,- pa cada as Leges pa haya e keuringskaart Awg. 20,-  

     

  • Cuanto tempo ta dura pa hay'e?

    Por tin un rij ora di traha afspraak. E keurmento ta dura mas o menos mei ora.

  • Cuanto e ta costa?

    Keurmento di vehiculo di motor cu un peso bashi te cu 3500 kg Awg. 30,-
    Keurmento di vehiculo di motor cu dos as cu un peso bashi riba 3500kg Awg. 60,-
    Keurmento di vehiculo di motor cu mas cu dos as Awg. 30,- pa cada as
    Leges pa haya e keuringskaart Awg. 20,-

    Despues di keurmento ta plak e sticker na e parti paden di e windshield (banda drechi abao) como prueba cu a pasa e keurmento cu bon resultado y pa control door di polis. Ora a keur af un vehiculo di motor, tin un periodo valido di 30 dia den cua e keurmeno di nobo ta gratis. Den caso cu keur af e vehiculo di motor, e cliente ta haya un carta di afkeuring den cua tin para e fayonan cu mester drecha.

    Trece placa exacto, mester paga ora di traha afspraak.

  • Kico mi tin di hiba cu mi?

    • Keuringskaart di e vehiculo si el a yega di keur caba;
    • E formulario di registracion pa vehiculo di Servicio di Impuesto (SIAD) di e vehiculo cu lo mester keur;
    • Un prueba di seguro di e vehiculo en cuestion (segun articulo 16 inciso 3 di e Ley cu ta regarda trafico di caretera (Landsverordening wegverkeer). E prueba mester ta duna pa un compañia di seguro y no pa un agencia/broker.
  • Zie ook