Importacion di remedi pa uzo propio

  • Descripcion

    Dokter, dentista of partera ta prescribi remedi, cual por uza pa cura, suavisa of preveni algun malesa. Tur hende cu a haya tratamento medico den exterior por tin e necesidad pa importa remedi pa nan mesun uzo.  

    Si bo tin planea pa drenta Aruba cu remedi, bo mester pidi un declaracion. Pa motibo di siguridad, remedinan no por drenta Aruba sin cu controla nan. Un declaracion ta conta pa tur remedi (pues tambe remedinan cu bo por cumpra sin receta na botica manera paracetamol) y suplementonan.  

  • Kico ta e condicionnan?

    • Un peticion pa un declaracion no ta nifica cu automaticamente lo haya permiso.
    • Na Aruba, e import di cannabis medicinal ta prohibi.
    • Etiketa di remedi mester ta na Hulandes, Ingles, Papiamento, Spaño pa por controla nan.
    • Pa remedinan riba receta, mester entrega documentacion di e tratamento medico.
    • Ora ta trata suplemento, e peticion ta wordo acelera ora cu entrega un lista detaya cu tur ingrediente hunto cu e peticion.
    • Ampul ta permiti solamente si dokter por  inyecta esaki..
  • Unda pa pidi'e? / Mas informacion na

    Inspeccion di Salud Publico - Departamento di Remedi

  • Cuanto tempo ta dura pa hay'e?

     Ta depende di:

    • E cantidad di producto cu mester  controla.
    • E tipo di producto (p.e. ariba receta, suplemento).
    • Ora ta trata suplemento, ta acelera e peticion ora cu entrega hunto cu e peticion un lista detaya cu tur ingrediente.
  • Kico mi tin di hiba cu mi?

    Pa permiso/stempel pa importacion mester:

    1. Un formulario (obtenibel na IVA) cu nomber y adres di esun cu ta haci e peticion (entrega dos copia).
    2. Copia di lista di productonan (preferibelmente cu potret).
    3. Copia di documentonan di biahe cu fecha di yegada y salida.
    4. Copia di paspoort.
    5. Si ta un remedi ariba receta:
      Un declaracion medico di e dokter cu a trata e pashent cu informacion di: e pashent, e dokter, e remedi y e dosis. 

    *Biaheronan residente di Hulanda mester un Schengenverklaring.

  • Zie ook