Dunamento di man pa casa

  • Descripcion

    Tur persona cu kier casa, mester registra esaki na Censo, esaki nos ta yama tambe duna man.

  • Unda pa pidi'e? / Mas informacion na

    Solamente por duna man riba dialuna te diahuebs di 1 or 15 di merdia te 3 or di atardi. For di mainta 8 or por tuma un number na e loket di informacion. Pa dia tin shete number disponibel.
    Oficina di Censo y Registro Civil

  • Cuanto e ta costa?

    Trahamento di e acta door di un empleado publico na Censo ta gratis. E gasto pa un extracto di e acta Awg. 15,-.

  • Kico mi tin di hiba cu mi?

    Ora di duna man mester trece e siguiente documentonan:

    • Un documento di identificacion cu ta valido, esta un paspoort, cedula of rijbewijs;
    • Extracto for di e registro di nacemento;
    • Acta di nacemento di tur dos persona;
    • Acta di consentimento (den caso di menor di edad). Un empleado publico di Censo of un notario por traha e acta aki.
    • Consentimento di e matrimonio por wordo duna tambe ora di traha e acta di matrimonio;
    • Acta di fayecimento (si ta al caso). E acta di fayecimento di esun cu lo mester a duna permiso pa e matrimonio tuma lugar, si e tabata na bida;
    • Prueba cu no tin ningun impedimento pa e matrimonio (no ta obligatorio);
    • Prueba cu e matrimonio anterior no ta forma un impedimento pa e futuro matrimonio tuma lugar, si ta trata un di dos of mas matrimonio;
    • Prueba di dispensacion di impedimento di e matrimonio (no ta obligatorio);
    • Prueba di dispensacion of permiso di e ministro, encarga cu Husticia, den caso cu esaki ta rekeri;
    • Prueba di disposicion of dispensacion di proposicion di matrimonio (no ta obligatorio). Esaki ta solamente necesario den caso cu tin un disposicion huridico contra un negacion pa traha e acta di dunamento di man of tin dispensacion di wardamento di diescuatro dia pa un dunamento di man;
    • Un declaracion medico di embaraso (si ta necesario). E declaracion manera indica den articulo 31, di dos inciso.
  • Zie ook