Declara mercancia (Enig Document C420)

  • Descripcion

    Si bo kier importa producto trece Aruba, bo tin cu haci un declaracion (aangifte) digital cu e formulario ”Enig document” den Asycuda World.  
    Douane ta trata unicamente declaracion cu ta yena completamente y cu tin e documentonan/rekisitonan necesario. Cu e datonan cu bo ta yena den bo declaracion, Douane ta calcula e belasting di importacion. Ademas, Douane por determina cu e datonan aki si otro reglanan di douane ta aplicabel, por ehempel riba e tereno di seguridad, salud, economia y medio ambiente etc.
    Si bo no tin informacion pa log in den Asycuda World, un custom broker tambe por yudabo yena e Enig document. Por haya un lista di custom brokers den nos buk’i telefon bou di custom house broker of riba www.yellowpages-aruba.com bou di custom agents.

  • Unda pa pidi'e? / Mas informacion na

    Bo ta entrega e “Enig document” na e balie di “aangifte” di Douane unda e productonan ta localisa.

  • Cuanto tempo ta dura pa hay'e?

    Maximo 3 (tres) dia.

  • Kico mi tin di hiba cu mi?

    E documento di instruccion “Toelichting Enig document” ta yudabo yena e formulario aki. Den e instruccion aki por haya por ehempel:

    • e codigonan cu bo mester yena;
    • cua ehemplar di e Enig document bo mester uza;
    • con pa yena e diferente vaknan di e “Enig document’;
    • cua documentonan bo mester entrega hunto cu e declaracion.

    Den e  “toelichting Enig Document” bo ta haya tambe cua documento mester entrega hunto cu bo declaracion.

  • Zie ook