Benta di bestia chikito pa cria of rasa

  • Descripcion

    Pa mehora e calidad di e cria di bestia chikito local y e produccion di cria di bestia chikito ta importa diferente rasa.

    Cabrito

    • Rasa pa produci lechi (Anglo Nubian, Saanen, Toggenburg y French of American Alpine);
    • Rasa pa produci carni (Boer).

    Carne:

    • Black Belly;
    • Blackhead;
    • Dorper;
    • White Dorper.

    Porco:

    • Landrace;
    • Yorkshire;
    • Hampshire;
    • Duroc;
    • F1 Landrace x Yorkshire.

    Santa Rosa ta haci prueba y ta colecta cifra di e prestacion di e diferente rasanan manera adaptacion na e clima, conversion di cuminda (cuanto lechi e cuminda ta produci pa kilogram), reproduccion y produccion di lechi. Santa Rosa ta bende e bestianan. Ta bende lamchi di rasa puro di dos luna bieu (tanto hembra como macho) na e criadonan di bestia.

    Ta bende porco chikito pa rasa y pa gorda na criado di porco profesional y e porconan chikito cu ta resta na e publico en general. Registracion ta obligatorio pa e criado di bestia of e criado di porco como tambe e peticion pa e rasa desea. Riba e dia acorda tin cu acudi na e Seccion di Carne y Cabrito of e Seccion di Porco. Tin cu paga y hiba e bestianan di biaha. Transporte mester tuma luga mainta, pasobra mas laat den dia e no ta bon pa e bienestar di e bestia. 

  • Unda pa pidi'e? / Mas informacion na

    Santa Rosa (DLVV) -  Seccion di Cria di Bestia

    Habri pa publico: dialuna pa diabierna di 7.00 – 12.00 y di 13.00 – 16.00 
    Orario di caha: dialuna pa diabierna di 7.30 – 12.00 y di 13.00 – 15.00  
    Fin di siman, dianan di fiesta y dianan di ATV ta cera pa publico

  • Cuanto tempo ta dura pa hay'e?

    Segun e schema di produccion y registracion. Ta informa via telefon tocante e fecha cu e benta ta tuma luga.  

  • Cuanto e ta costa?

    Te cu proximo aviso:

    cabrito rasa puro (lechi) Awg.    7,-    pa kilo
    cabrito rasa puro (carni) Awg.  10,-    pa kilo
    rasa mescla di lechi x carni Awg.    8,05 pa kilo
    carne rasa puro (carni) Awg.  13,-    pa kilo
    rasa mescla Awg.  11,05 pa kilo
    yui di porco cu peso di 25 kilo Awg. 75,-     pa un

     

  • Kico mi tin di hiba cu mi?

    • placa cash of cheque;
    • transporte propio pa hiba e bestianan.
  • Zie ook