Generation of Leaders - Integraal Jeugdbeleid 2015-2020

“Generation of Leaders” esaki ta e titulo di e prome maneho integral pa hubentud 2015-2020 pa Aruba. A scoge conscientemente p’e titulo aki. E gabinete aki tin como meta un desaroyo duradero pa Aruba unda ta brinda atencion special pa e sintimento comunitario. Relaciona cu esaki un maneho integral pa hubentud mester ta e caminda cu ta hiba nos na hubentud sano cu ta participa den sociedad y cu ta motiva pa desaroya y desplega nan talento. Nos ta mira e hubentud di awe como e futuro lidernan di nos pais.

E maneho integral pa hubentud tin como grupo di enfoke e hobennan di momento di nan concepcion te cu nan 18 aña y ta basa riba e desaroyonan den bida di e hoben. Con e bida di e hoben ta sigui desaroya no tin di haber solamente cu evitando menasanan pero mas ainda cu e formacion di un caracter  fuerte y desaroya di un manera completo. Asina e hoben por haci escogencianan responsabel, maneha pa normanan y balornan cu ta tipico di un comportacion etico y di un bon ciudadano.

Normanan y balornan ta cualidadnan esencial di bon liderazgo. Esaki nos no ta nace cu ne sino ta cualidadnan cu nos mester desaroya. Banda di esey, di interes crucial, ta stimula confiansa propio, conscientisacion propio, dominio propio, motivacion, empatia, y habilidad social. Esaki nos ta alcansa door di siña y conserva bon custumbernan. Siña y mantene bon custumbernan hunto cu e guia y  apoyo necesario door di cada persona ta posibel no obstante e base.

Pa mas informacion por consulta e rapport completo.