ORANJESTAD - Diamars 30 di april, Gobernador di Aruba, Su Excelencia Alfonso Boekhoudt, a tene un reunion di introduccion na Cas Ceremonial di Gobernador cu sra. Jolien Schukking, hues den Corte Europeo pa Derechonan Humano na Strasbourg (EHRM).

EHRM ta un organisacion internacional di husticia cu ta interpreta y aplica e Tratado Europeo riba Derechonan Humano (EVRM). EVRM tambe ta aplica na Aruba. Sra. Schukking ta representa Reino Hulandes den EHRM. Hueznan den e corte aki no ta representa e estado den nan trabou, sino nan ta sirbi riba un titulo personal.

Den e reunion entre Gobernador y Sra. Schukking a discuti varios tema riba derecho humano, incluyendo e hurisprudencia reciente tocante clima di e EHRM.

Potretnan: © Kabinet Gouverneur Aruba
 

Gobernador di Aruba, S. E. Alfonso Boekhoudt ta ricibi Hues den Corte Europeo pa Derechonan Humano na Strasbourg, sra. Jolien Schukking