Statuut

E Ley Fundamental di Reino ta ancra den Statuut y pa un parti den e Ley Fundamental di Hulanda. Desde 1986 e Samenwerkingsregeling ta na vigor entre Aruba y ex-Antias Hulandes (Corsou, Sint Maarten y e islanan BES (Bonaire, St. Eustasius y Saba)). Hulanda (y e municipionan special, esta Bonaire, St. Eustatius y Saba) tin su Ley Fundamental (Grondwet). Aruba, Corsou y Sint Maarten tin nan mesun Constitucion (Staatsregeling). E derechonan fundamental den Constitucion ta importante y ta conta pa tur ciudadano.

Statuut ta stipula e orden hudicial entre Hulanda, Aruba, Corsou y Sint Maarten. E cuatro paisnan por atende den e orden aki independientemente y a base di igualdad nan interesnan y nan por yuda otro. Representante di Rey na Aruba, Corsou y Sint Maarten ta Gobernador. E gobernadornan ta wordo nombra door di gobierno di Reino (Rey y conseho di ministro di Reino). E conseho di ministro di Reino ta consisti di e ministronan Hulandes y un ministro plenipotenciario pa Aruba, uno pa Corsou y uno pa Sint Maarten. Ministro plenipotenciario ta wordo nombra door di gobierno di su pais.

Conseho di ministro di Reino ta atende asunto comun di Reino, esta:

  • defensa;
  • relacion exterior;
  • nacionalidad Hulandes;
  • condecoracion;
  • registracion di barco;
  • admision y expulsion di stranhero
  • extradicion.

Ley riba e terenonan aki wordo considera como Ley di Reino (Rijkswetten). Staten-General y e representantenan di Aruba, Corsou y Sint Maarten ta trata e proyectonan di ley aki. Un ministro plenipotenciario tambe por entrega un proyecto di ley y por participa na deliberacion tocante un proyecto di Ley di Reino
den Staten-General.

E representantenan di e parti Caribeño di Reino por ademas manda delegadonan special na e parlamento Hulandes pa participa na e debatenan.

Statuut ta contene mas aleu disposicion tocante hurisdiccion, relacion internacional, defensa como tocante ayudo, consulta y colaboracion mutuo. Den ordenansa nacional separa cu ta wordo stipula door di Aruba, Corsou y Sint Maarten e maneho di e partinan di Reino aki ta wordo regla.

E representantenan for di Caribe tambe ta forma parti di Conseho di Reino (Raad van State van het Koninkrijk), cu ta conseha solamente tocante di proyecto di Ley di Reino (rijkswetten).

Cambio den Statuut ta solamente posibel si tur cuater pais (Hulanda, Aruba, Corsou y Sint Maarten) consenti.

Fuente: http://www.parlement.com

 

Trending topics

Mas topico