Separacion di poder

Pa por goberna e pais bon tin un separacion di poder den gobernacion (trias politica). Parlamento hunto cu Gobierno ta traha ley (poder legislativo). Gobierno (Gobernador y Ministronan) ta ehecuta e leynan aki (poder ehecutivo) y huez ta huzga si e leynan ta wordo bon aplica (poder controlador).

Parlamento

Parlamento ta representa henter e pueblo Arubiano. Parlamento ta consisti di 21 miembro cu cada cuatro aña ta keda eligi durante un eleccion liber y secreto.

Conseho di ministro (MR)

E Ministronan hunto ta forma Conseho di Ministro. Ministro Presidente ta presidi Conseho di Ministro. Cada un Ministro tin un cierto tarea den gobierno. Cada un Ministro ta politicamente responsabel pa nan ministerio (departamentonan). Conseho di Ministro ta delibera y ta tuma decisionan tocante e maneho di gobierno. Ministronan ta duna cuenta na Parlamento.

Gobernacion

E Rey hunto cu Ministronan ta forma gobierno. Gobernador ta representa e Rey.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki