Reino Hulandes

Reino Hulandes ta un monarkia constitucional cu un sistema parlamentario. Esaki ta nifica cu e Rei(na) ta na cabes di estado. Un sistema parlamentario ta encera cu representantenan eligi dor di pueblo ta goberna e pais. Pueblo por vota riba personanan cu nan kier mira como nan representante. Pueblo ta eligi miembro di Parlamento (Parlamentario).

E miembronan di Cas Real tin derecho riba inmunidad y no ta carga responsabilidad politico, solamente ministronan ta responsabel. E inmunidad ta conta solamente si ministronan kier carga e responsabilidad (responsabilidad ministerial). Rei(na) por haci un declaracion politico solamente si e Ministro Presidente Hulandes duna autorisacion pa esaki. Esaki ta conta tambe pa e gobernadornan. Gobernador tambe ta gosa di inmunidad como organo di Pais Aruba; e ta na cabes di gobierno Arubano, den nomber di Rei(na).

Rei(na) tin e derecho di conseha Ministro Presidente pa motibo cu e ta forma parti di gobernacion. Esaki ta conta tambe pa Gobernador como cabes di gobierno Arubano. Ministro Presidente di Aruba ta reuni regularmente cu Gobernador.

Link(nan) externo:

 
Fuente: van Aller, H.B., 2005, "Overzicht Staatkundinge Geschiedenis Nederlandse
          Antillen en Aruba 1634 - 2006", Aruba.

Trending topics

Nos ta traha hunto pa un portal Gubernamental pa Aruba, ku ta informativo, accesibel, y fasil den uso.
Algu di comenta? Click aki