Legislacion

Constitucion di Aruba ta describi con Pais Aruba ta organisa. E ta contene reglanan cu ta stipula con e organonan gubernamental ta forma, con nan mester tuma decision y na kende y con nan mester responsabilisa nan mes. Hulanda conoce tres nivel di gobernacion: Gobierno Hulandes (nacional cu ta sinta na Den Haag), provincia y municipio (cu ta inclui e municipionan special Bonaire, St. Eustatius y Saba).  Aruba, Corsou y St. Maarten conoce un nivel so: Pais

E fundeshi di gobernacion di un pais ta su leynan. Un pais por yama su mes un estado di derecho, si ta cumpli cu su leynan. E leynan ta conta pa un y tur na e mesun manera. E leynan di un pais ta di diferente indole. Un areglo inferior nunca por ta en pugna cu un ley superior. Un ordenansa nacional no por ta en pugna cu e derechonan fundamental cu ta para den prome capitulo di Constitucion of cu un acuerdo cu Reino a cera cu otro paisnan (por ehempel Acuerdo pa e Refugiadonan). E areglonan ta ordena di ariba bay abou como lo siguiente:

  • Tratado;
  • Statuut;
  • Derecho Fundamental (un parti).;
  • Regulacion di Reino;
  • ‘Samenwerkingsregeling’;
  • Constitucion di Aruba;
  • Ordenansa nacional;
  • Decreto nacional cu ta contene medida general (ham);
  • Decreto nacional y areglo ministerial.

Aruba y Reino - Legislacion

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki