Stipulacion resultado di eleccion

Conseho Supremo Electoral  ta determina e resultado di eleccion pa e miembronan di Parlamento a base di loke ta stipula den articulo 82 te cu 102 di e ley electoral.

Punto di salida pa Conseho Supremo Electoral pa loke ta trata calculacion di e resultado di e eleccion ta e proces-verbaalnan di e urnanan electoral.  Akiden tin para cuanto voto e lista di e partidonan politico y e candidatonan  riba e listanan aki a haya. E urnanan electoral ta traha un proces-verbaal di e votacion y e conteo di voto den duplo. Tur obheccion cu a keda haci ta poni den e proces-verbaal.

Cinco dia despues di eleccion, Conseho Supremo Electoral ta reuni. Den e reunion aki ta fiha e resultado oficial di eleccion, esta:

  • E cantidad di voto emiti pa cada candidato riba un lista;
  • E total di e votonan pa cada lista. E total aki ta wordo yama e cifra di votacion.
     
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki