Registro di votador

Administracion

Pa medio di of na nomber di Ministro di Asunto General ta mantene un Registro di votador  di e personanan cu derecho di voto cu ta inscribi na Registro Civil (Censo).  E Registro di votador pa eleccion pa miembro di parlamento ta cera riba e fecha di ceramento (bevriezingsdatum) segun e calendario di eleccion. Den e Registro di votador ta menciona sexo, fam, nomber, adres y lugar y fecha di nacimento di e votador.

Ken ta para den e registro

Den e Registro di votador  ta aparece:

  • Esnan cu tin nacionalidad Hulandes;
  • Esnan cu ta inscribi den Registro Civil (Censo) no mas tarda cu fecha di ceramento;
  • Esnan cu tin minimo 18 aña di edad riba e dia di eleccion;
  • Esnan cu no ta exclui di e derecho di voto.

Control

Desde e momento cu a cera e Registro di votador, un persona por controla si e ta aparece riba e lista di votador y si su informacionan ta corecto. E Registro di votador ta disponibel na kantoor di Bevolking pa por wordo controla.

Obhecion y apelacion
 

Ki ora y na unda por entrega un obhecion contra e contenido di e Registro di votador?

Segun articulo 11 di Ley Electoral tur hende por pidi na corte-comun-di-husticia, dentro di cinco dia despues di ceramento di e Registro di votador, pa complementa of corigi e Registro, a base di cu bo persona no ta aparece of no ta aparece manera debe ser den e Registro aki.

Kende por entrega un obhecion?

Cada ken cu ta di opinion cu e mes of un otro no ta aparece, of no ta aparece manera debe ser den e Registro di votador.

Con por entrega un obhecion?

Via un formulario cu ta gratis disponibel na Registro Civil (Censo). E formulario “Verzoek verbetering kiezersregister” ta disponibel como anexo II di e Kiesbesluit (Decreto electoral).

Termino

Di acuerdo cu articulo 12 inciso 5 di e Ley electoral hues por duna veredicto no mas tarda cu diesocho dia despues cu a entrega obhecion. Si e veredicto ta na fabor di esun cu a haci obhecion, hues ta duna orden pa complementa of coregi e Registro di votador. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki