Dia di eleccion

Carchi di votacion

Maximo ocho dia prome cu eleccion cada votado cu tin derecho di vota ta ricibi un carchi pa bay vota (oproepingskaart). E carchinan ta ser manda door di Oficina di Registro Civil y Censo.

Riba e carchi di voto aki tin poni:

  • Cu un eleccion pa Parlamento lo tuma luga;
  • Fam, nomber, fecha di nacemento, luga di nacemento, como tambe e adres di e votado;
  • Number, bou di cua e votado ta aparece riba e copia di e extracto di e registro di votado (e asina yama lista di votado);
  • Number di e districto electoral na unda e votado ta pertenece
  • Adres di e stemlokaal pa e districto electoral ey;
  • Dia y ora riba cua e votacion ta tuma luga

Identificacion

Pa por vota un persona mester identifica su mes na mesa di votacion (stembureau) pa medio di un identificacion valido manera Paspoort,  Cedula of Rijbewijs (no copia). Esnan cu no tin un identificacion valido mester pidi uno na tempo:

  • Paspoort na Registro Civil/Censo L.G. Smith Blvd segun afspraak. Ta dura dos siman pa haya paspoort despues di a haci e peticion;
  • Cedula na Registro Civil/Censo. 

E votacion ta cuminsa  8 or di mainta y ta termina 7 or di anochi.

Den e ley electoral ta para entre otro cu cada doño di trabou ta obliga pa percura pa su trahado cu tin derecho di voto, por tuma parti na e eleccion durante e tempo determina pa esaki (di 8 or di mainta te cu 7 or di anochi) y cu e trahado mester haya por lo menos cuatro ora di trabou consecutivo liber, cu excepcion di esnan cu ya tin caba cuatro ora di trabou consecutivo liber pa otro motibo. E dunado di trabou tambe ta obliga pa informa e trahado por lo menos un siman prome cu eleccion tocante e orario cu e ta haya liber pa bay vota.

Na Aruba no ta permiti pa vota segun volmacht. Si un votado ta den exterior durante di eleccion e no por vota cu volmacht. 
 

Procedura pa vota

Riba dia di eleccion tur stembureau ta habri 8 or di mainta y ta keda habri te cu 7 or di anochi.  E procedura cu mester sigui relaciona cu eleccion pa e miembronan di Parlamento ta ancra den nos ley electoral.

Procedura ora di di vota:

  • E votado ta entrega na e presidente di e  urna electoral (stembureau) e carchi di voto y su documento di identificacion;
  • E presidente di e urna electoral ta bisa na voz halto e number cu ta para riba e carchi di voto;
  • E di dos miembro di e urna electoral ta yama e nomber, cu ta mara den e lista di votado na e number cu e presidente a caba di menciona. E presidente ta controla si e nomber aki ta coincidi cu e number riba e carchi di voto;
  • Si tur cos ta na ordo, e di dos miembro ta pone su paraaf banda di e nomber di e votado p’asina indica cu e votado a presenta;
  • Siguientemente e presidente ta entrega e votado un stembiljet (papel pa vota) cu ta dobla di tal manera, cu e firma di e pesidente di e Conseho Electoral ta visibel;
  • E presidente ta controla e cantidad di stembiljet cu a parti, como tambe e cantidad di votado cu ta nenga pa acepta un stembiljet;
  • Despues di haya e stembiljet e votado ta bay mesora na un hoki di vota cu no ta den uzo y ta vota door di kleur cu un potlood un ronchi cu ta para dilanti di e nomber di e candidato di su preferencia. Despues e ta dobla e stembiljet di tal forma cu e nombernan di e candidatonan no ta visibel y ta bay mesora na e urnay ta deposita e stembiljet den e urna;
  • E di tres miembro di e urna electoral  ta haci anotacion di e cantidad di stembiljet cu ta wordo hinca den e urna.

Si e votado haci un fout ora di yena su papel di vota, e ta duna esaki bek na e presidente. Si e votado pidi, e presidente ta dun'e un papel di vota (stembiljet) nobo pa solamente un biaha so.
E votado no mag di keda mas largo cu ta necesario den e hoki di vota pa yena su papel di vota.

Siguientemente por haya mas informacion tocante reglanan ora di vota:

Ayudo ora di vota

No ta tur hende por vota facilmente door di problema fisico. Si un votado cu un handicap fisco mester di yudansa e por haya asistencia di un miembro di un urna electoral of di un persona asigna.
Articulo 63 di e ley electoral ta menciona esaki.
Wanneer aan het stembureau blijkt dat een kiezer uit hoofde van zijn lichamelijke gesteldheid hulp behoeft, kan deze zich doen bijstaan.
 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki