Constelacion

Mescos cu e otro tres Paisnan den Reino, Aruba tambe conoce e asina yama democracia parlamentario. Pueblo ta eligi su representantenan, e miembronan di Parlamento, cu mester vocifera su opinion. Parlamento ta consisti di 21 miembro, kendenan ta keda elegi pa medio di eleccion liber y secreto. Pa medio di e miembronan di Parlamento, pueblo por eherce influencia ariba e maneho di Gobierno. Pa un persona por bira miembro di Parlamento, e mester ta un habitante di Aruba, e mester tin nacionalidad Hulandes, e mester a alcansa e edad di bintiun aña y e no ta exclui di derecho di vota.
Despues cu Conseho Supremo Electoral fiha e resultado di eleccion, tur candidato pa miembro di Parlamento ta entrega su credencialnan na Parlamento. E credencialnan, bon mira ta dos documento, esta e notificacion di e Conseho Supremo Electoral cu e candidato a keda elegi y e prueba cu Presidente di Conseho Supremo Electoral a ricibi for di e candidato pa miembro di Parlamento, cu e ta acepta su eleccion.

E investigacion di credencialnan ta encera principalmente, controla si e candidato pa bira miembro di Parlamento, no ta eherce un funcion cu ta imcompatibel cu e funcion di miembro di Parlamento. E funcionnan aki ta e.o. miembro di Conseho Consultativo of di Contolaria General (Rekenkamer), Gobernador interino,  Ministro, Hues of empleado publico den servicio activo. Mescos cu Ministronan, pa miembro di Parlamento tambe ta conta cu no tin mag di existi lasonan familiar te den di dos grado entre miembronan di Parlamento. Despues di a aproba e credencialnan, e candidato pa bira miembro di Parlamento ta huramenta dilanti di Gobernador y e por cuminsa eherce su funcion oficialmente. 

Actualmente Parlamento ta consisti di e siguiente miembronan: 

Nomber Funcion specifico Partido politico di
Sr. Jmr. uan E. Thijsen Presidente di Parlamento M.E.P. 
Sr. Alan Alfonso Howell Vice-presidente di Parlamento P.O.R
Sr. Rocco Gian-Carlo Tjon Lider di Fraccion M.E.P
Sr. Hendrik Tevreden Miembro di Parlamento  M.E.P  
Sra. Daphne R.Y. Lejuez Miembro di Parlamento  M.E.P. 
Sr. Edgar D.H. Vrolijk Miembro di Parlamento  M.E.P 
Sr. Endy Jan Hendrik Croes  Miembro di Parlamento   M.E.P 
Sra. Shailiny Tromp, geb. Lee Miembro di Parlamento  M.E.P
Sra. Louisette Cristiaans, geb. Yarzagaray Miembro di Parlamento  M.E.P 
Sra. Sueann Ras C.J. Miembro di Parlamento   M.E.P
Sr. Alfred Marlon Sneek  Lider di Fraccion A.V.P
Sr. Oslin Benito Sevinger Miembro di Parlamento  A.V.P 
Sr. Mike Eric de Meza Miembro di Parlamento  A.V.P 
Sr. Arthur Lawrence Dowers Miembro di Parlamento  A.V.P  
Sr.  Richard Arthur Arends   Miembro di Parlamento  A.V.P 
Sra. Mervin Glorinda Ras, geb.Wyatt Miembro di Parlamento  A.V.P   
Sr. Robert Josito Candelaria  Miembro di Parlamento  A.V.P  
Sra. Jennifer Justine Arends, geb. Reyes  Miembro di Parlamento  A.V.P 
Sr. Michael Benjamin Lampe Miembro di Parlamento   A.V.P  
Sra. drs. Marisol J. Lopez geb. Tromp Lider di fraccion P.O.R
Sr. Ricardo S. Croes Miembro di Parlamento R.E.D
Sr. mr. drs. H. Ch. J. Hek Griffier