Cumpra of bende cas

Si bo ta desea, bo por haci uzo di intermediacion di un oficina di realstate pa cumpra un cas. Bo por haya un lista recien di casnan na benta den corant of den propaganda cu nan ta parti di cas pa cas. E ultimonan aki bo por haya tambe na supermercado of pomp di gasolin. 

Ultimo añanan Aruba conoce e fenomeno di ‘condominium’. Esaki nan ta apartamento super luhoso cu tur servicio di hotel inclui. Hopi biaha, e bibiendanan aki ta situa den cercania di e beachnan di Aruba. Tene cuenta cu gastonan pa servicio ta halto.

Ora di cumpra y bende un cas, bo mester entre otro:

• Haci uzo di servicio di un notario;
• paga impuesto di traspaso na Servicio di Impuesto y Aduana (SIAD).
• Si bo ta interesa den un cierto cas y bo ta desea di haya mas informacion di dje. Bo por acudi na Dienst Landmeetkunde en Vastgoedregistratie. 

Bo por haya hypoteca na:

• Banco comercial;
• Fundacion Cas pa Comunidad Arubano;
• Stichting Algemeen Pensioenfonds Aruba;
• Volkskredietbank.