Ceremonia protocolar di Dia di Rey

Na e ocasion aki, Minister di Finansas y Cultura, sra. Xiomara Maduro a ricibi Gobernador Boekhoudt a na Wilhelminapark.
Despues di e inspeccion di e guardianan arma, a hisa e bandera di Reino y e bandera Arubano durante un ceremonia cortico, sigui pa tocamento di e Himnonan di Hulanda y Aruba. E Presidente di Staten di Aruba, Sr. Edgard G.A. Vrolijk a duna un discurso na ocasion di Dia di Rey.

E ceremonia a sigui cu algun presentacion di baile y entrega di e Copa B. Felipe Tromp. E diferente ganadonan a haya nan trofeo y premio di estimulo for di man di Gobernador di Aruba.

E aña aki a toca honor na futbolista Ethan Geerman (Copa Pre-Hubenil), y landado Braynsly Dirksz (Copa Hubenil), mientras cu e premionan di estimulo a bay pa Kailen Wouters (Pre-Hubenil) y Dalton Conijn (hubenil).

Na ciere di e ceremonia, diferente gruponan di scout a tene un defilé.

Potretnan: © Kabinet Gouverneur Aruba