Aruba Tourism Authority y Aruba Convention Bureau a contribui na proyecto Edmentum

Proyecto Edmentum ta diseña pa tin un impacto duradero riba e comunidad local mientras ta ofrece un experiencia significativo y agradabel pa tur participante / boluntario local y internacional.

Edmentum ta un compania di educacion internacional cu anualmente ta scoge diferente proyecto comunitario rond mundo, den cual nan ta inverti pa mehora esaki. E aña aki a scoge pa bishita diferente Centro di Bario na Aruba pa asina selecta e centro cu lo forma parti di nan proyecto. Na final Edmentum a selecta Centro di Bario Lago Heights como e organisacion beneficiario pa e proyecto.

Bou guia y sosten, CEDE ARUBA a keda encarga pa lidera e planificacion y coordinacion di e
proyecto aki. Riba un diasabra mainta, por a conta cu mas di 80 ehecutivo di Edmentum y bishitante cu a cumpli cu e biahe pa Aruba y asina dedica entre 4 pa 5 ora di servicio comunitario.
Ademas, a conta cu participacion di contratista local di e proyecto, A.T.A. hunto cu Aruba
Convention Bureau (ACB), y mas organisacion local cu a duna nan aporte. 
E iniciativa aki tin como meta fomenta envolvimento comunitario y educacion mientras ta brinda un experencia unico pa e participantenan. Pa A.T.A. y ACB, esaki ta nifica un contribucion
significante na e comunidad di Aruba, specialmente na e bario di Lago Heights.

Aruba Convention Bureau (ACB) como parti di A.T.A. ta dedica na promove Aruba como un
destinacion atractivo pa organisa reunion, biahe incentivo, conferencia, y exhibicion (MICE) na
companianan internacional. Pa medio di e partnernan strategico y servicio di calidad mundial, ACB tin como meta pa atrae y sostene eventonan cu ta contribui na crecemento y desaroyo economico pa Aruba.