Watty Vos Boulevard ta habri diamars 5 di november 2019.

ORANJESTAD – Departamento di Obra Publico y Cuerpo Policial di Aruba ta informa cu Watty Vos Boulevard ta habri diamars 5 di november 2019.

Watty Vos BoulevardWatty Vos Boulevard ta consisti di:

  • 25 km di caminda nobo y renoba cu 13 rotonde nobo;
  • 25 km di area asigna pa peaton y ciclista por cana y core bicicleta;
  • 7 km di caminda nobo di dobbel via, 7 rotonde y dos viaducto for di rotonde di Sabana Blanco pa Punta Brabo, cu ta construi segun standard internacional y cu a haya nan certificacion.

Watty Vos Boulevard tin 13 rotonde cu ta inclui; enkel baan rotonde, twee baan rotonde, turbo rotonde y paperclip rotonde.

Pa un y tur por yega nan destinacion sigur y cu e trafico por sigui circula facil riba Watty Vos
Boulevard y e camindanan conecta, DOW y KPA ta urgi pa tene bon cuenta cu:

  • Trafico riba e caminda su velocidad ta di 80 kmph;
  • Ora di yega rotonde mester baha velocidad di 80 kmph pa 60 kmph te cu 40 kmph, manera e borchinan di velocidad ta indica;
  • Paga tino na e borchinan di trafico di duna preferencia, zebrapad y fietspad;
  • Anticipa unda bo ta yegando p’asina bo sortia den e baanchi corecto cu ta hibabo den direccion
    desea;
  • Contrario di crusadanan, unda automobilistanan tin cu duna preferencia na trafico na man drechi, na rotonde trafico tin cu paga tino y duna preferencia na trafico biniendo di banda robes prome cu subi e rotonde;
  • Unabes cu ta ariba e rotonde, 40 kmph ta e velocidad maximo cu ta permiti;
  • Tin cu wordo uza luz di indicacion of sign-light na momento cu ta bay sali for di e rotonde, duna
    trafico bo tras y bo dilanti suficiente tempo pa wak den cua direccion bo ta bay sali.

DOW y KPA ta urgi esnan cu ta uzando Watty Vos Boulevard pa mantene nan mes na e leynan di trafico pa tur hende por yega nan destinacion sigur y contento. Na e comunidad di Aruba pabien, ban maneha consciente y sigur na bienestar di un y tur.

Rotonde Watty Vos Boulevard          Rotonde Watty Vos Boulevard           Rotonde Watty Vos Boulevard

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options