Traspaso di refineria y terminal pa Aruba

Dit item is gearchiveerd op 02-04-2020.

ORANJESTAD - Diabierna 28 di februari 2020, RDA y CITGO a firma un ‘transfer agreement’ unda cu CITGO ta transferi e operacion di e refineria y terminal pa RDA.

E transferencia a tuma luga diasabra 29 februari 2020.  

Firmamento di e acuerdo di traspaso (transfer agreement) door di RDA y Citgo unda cu Citgo ta transferi e operacion di e refineria y terminal pa RDAEsaki ta e prome paso den e proceso pa, den un forma amical, termina e acuerdonan entre CITGO y RDA y Gobierno. E terminacion a bira necesario na momento cu a bira claro cu CITGO no por cumpli cu su obligacionnan mas pa motibo di e sancionnan imponi pa Gobierno Mericano. Pronto Gobierno lo presenta un concepto di ley na Parlamento unda cu lo trata e terminacion di contractnan. Despues di esey lo cuminsa e proceso pa busca otro operador pa e terminal y refineria.

Firmamento di e acuerdo di traspaso (transfer agreement) door di RDA y Citgo unda cu Citgo ta transferi e operacion di e refineria y terminal pa RDAPa prome biaha den historia, Pais Aruba, a traves di RDA y TDEA, ambos companianan estatal, lo opera e transshipment terminal temporalmente. RDA/TDEA lo ta encarga tambe pa preserva e refineria mientras cu Gobierno lo cuminsa e proceso pa busca un inversionista/operador nobo pa esaki.

Gobierno di Aruba a informa Parlamento di e desaroyo aki imediatamente diasabra atardi, y despues a invita prensa pa presencia e traspaso na gate di e refineria. E traspaso a bay na forma keto y sin mucho fanfaria, debi cu esaki no ta e terminacion di e contrato cu CITGO ainda, por efectua e terminacion despues di aprobacion di Parlamento.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options