SPD a lansa Fact team

ORANJESTAD – Riba 20 di september, 2019, Sociaal Psychiatrische Dienst (SPD) a lansa oficialmente e proyecto di Fact-team.

Ad Fact teamFact team ta cay bou di Sociaal Psychiatrische Dienst (SPD) cu ta un departamento cu ta resorta bou di DVG.

Lansamento di Fact team di Sociaal Psychiatrische DienstAwor pueblo por yama e centraal meldpuntnummer 24 ora pa dia y 7 dia pa siman pa raporta casonan di personanan cu ta sufri di problema di salud mental of di adiccion of problema mental. Oficina di FACT team ta situa na e exedificio di di hulpbestuurkantoor Santa Cruz. E number di contacto pa caso di crisis of emergencia ta 5856990 y di e tiplijn ta 5224343.  

Fact team ta un equipo cu ta sali riba caya y brinda e cuido y servicio na tur persona cu ta sufri di problema menta y/of adiccion. Si e situacion ta grave, lo interna e persona den Respaldo. Si ta trata di un adicto e lo sigui un tratamento pa adicción. Si e persona ta sufri di ambos e Fact-team lo scoge e problema mas serio pa trata cune. Fact team ta forma parti di e plan di maneho di integracion di psikiatria y adición riba e tereno di Salud Mental y ta parti tambe di e Crisis Plan Social.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options