Soft launch di e website di gobierno renoba

Dit item is gearchiveerd op 15-08-2019.

ORANJESTAD  - Riba  diamars, 16 di juli 2019 ta tuma luga e soft launch di e website renoba di gobierno.

E website renoba tin un diseño nobo cu un un look and feel moderno. Nabegacion riba e website ta mas facil, loke ta optimalisa e experiencia di e usuario y tambe a evita mas tanto cu ta posibel uzo di lenguahe burocratico. 

Ainda ta trahando riba e ultimo detayenan riba e webite, pa cual nos kier pidi comprensio. Ta trata di un cantidad hopi grandi di informacion cu tin cu pone den e structura nobo. Esaki ta pa duna duna un servicio mihor y mas completo posiblel. Aunke e no ta probabel, por por surgi algo inespera durante cu e website renoba ta den aire.

Meta di e "Website Land Aruba" ta pa na prome luga duna informacion tocante di  producto y servicio di Gobierno di Aruba na e ciudadano di Aruba y na segundo luga tur otro interesado na Aruba of na otro parti di mundo. E website renoba ta keda dividi den tema; e sistema di nabegacion ta a base di tema cu e ciudadano tin experiencia cu ne.

Ademas di informacion (segun temanan), e ciudadano ta interesa di haya informacion concreto tocante producto y servicio riba e website. Ta asina cu e ciudadano kier informacion completo tocante di por ehempel "Paspoort": E kier sa kico e ta, con e ta hay'e, kico e mester trece, con hopi e mester warda y cuanto e producto ta costa. E deseo y pregunta di e usuario ta e punto di salida. Si e informacion no ta disponibel, por haci pregunta of pidi informacion adicional via un formulario di feedback.

E website ta ofrece un resumen cla di e producto y servicionan cu gobierno ta ofrece, p’asina e usuario por haya e informacion cu e ta busca lihe.
Tin cu remarca cu ainda e loket digital no ta completo. Meta ta pa yena e loket mas pronto cu ta posibel cu producto y servicio.

E website ta den dos idioma, Papiamento y Hulandes. E parti Ingles ta yena parcialmente cu mas tanto informacion tocante Haci negoshi y traha. Meta ta pa yena e website na Ingles cu informacion tambe.

Cu gran dedicacion y entusiasmo trahadonan di Departamento di Informatica y Automatisacion,   Servicio Informativo di Gobierno y SIM Caribbean a traha pa e website renoba bira un realidad.

Ta spera cu nos website lo ta na bo(so) servicio.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options