Reapertura di Museo Archeologico Nacional di Aruba

Oranjestad -  Recientementa a gobernador di Aruba y Minister di Finansa, Asunto Economico y Cultura a efectua apertura di Museo Archeologico Nacional di Aruba.

Teatro Experimental Contemporaneo Aruba di Departamento Di Cultura Aruba a presenta e ‘Perfomance’ Teatral titula: ‘Re- Descubri… Un Re-encuentro cu nos mes y cu nos naturalesa’, bou di direccion di Fatme Rigaud y Jhon Freddy T. Montoya.  E anochi festiva a cuminsa cu un discurso di Director ad interim Sr. Pancho Geerman. Despues Teatro Experimental Contemporaneo Aruba di Departamento Di Cultura Aruba a presenta e ‘Perfomance’ Teatral titula: ‘Re- Descubri… Un Re-encuentro cu nos mes y cu nos naturalesa’, bou di direccion di Fatme Rigaud y Jhon Freddy T. Montoya.  Musica tabata di parti di Jair Britten. E actornan di e obra tabata Alex Berkley, Amanda Britten, Cayan Faraup y alumno di Maria College Mavo.

Minister di Cultura Sra. Xiomara Ruiz-Maduro a repasa e historia di desaroyo arkeologico na Aruba y a anuncia cu ta trahando riba un fundacion autonomo pa MANA y cu pronto Aruba tin un Maneho di Museo.

Gobernador di Aruba, Sr. Alfonso Boekhoudt hunto cu Minister di Cultura, Xiomara Ruiz-Maduro efectua e acto di reapertura, asisti pa Director ad interim di MANA. Specialmente pa e reapertura di e exposicion permanente aki a traha un bebida alcoholico traha di dader 'Dacato' inspira pa nos antepasadonan indigena. E nomber Daçato ta un combinacion di e palabranan Caiquetio ‘Dato’ pa e dader y ‘Maçato’ pa un bebida alcoholico.

Sr. Raymundo Dijkhoff a duna un guia den e sala di exposicion permanente na Gobernador di Aruba Sr. Alfonso Boekhoudt, Minister Presidente di Aruba Sra Evelina Wever-Croes, Minister di Cultura Sra. Xiomara Ruiz-Maduro hunto cu Minister Andin Bikker y Rusy Lampe, como tambe miembro di  Parlamento di Aruba cu tabata presente.Na Aruba tin hopi tradicion y un di nan ta pa ‘basha betro pa e spirito’. Durante e acto di reapertura a honra e spirito di nos antepasadonan na momento cu nos Gobernador hunto cu Minister di Cultura a basha e ‘‘Daçato’ cu tabata den un calbas pa e spiritonan di nos antepasadonan.  Asina a haci e apertura simbolicamente di e exposicion permanente di Museo Arkeologico Nacional di Aruba.

Despues arkeologo Sr. Raymundo Dijkhoff a duna un guia den e sala di exposicion permanente na Gobernador di Aruba Sr. Alfonso Boekhoudt, Minister Presidente di Aruba Sra Evelina Wever-Croes, Minister di Cultura Sra. Xiomara Ruiz-Maduro hunto cu otro Minister y miembro di  Parlamento di Aruba cu tabata presente.

Invitadonan tambe por a haña un guia door di MANA, mientrastanto por a disfruta di un bunita cancion di e hobencita Amanda Perla. Despues a sigui un rato ameno cu musica harpa di Sr. Kelkboom, guitarista Ryan Maduro y musica indigena di Jair Britten.

Gobierno ta yama un danki special na Tourism Product Enhancement Fund (TPEF) pa nan contribucion pa por a haci MANA operacional atrobe y ta invita pueblo henter y turista pa haci MANA un bishita.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options