Publicacion Orguyonan di Noord

ORANJESTAD – Recientemente Ryan Figaroa a haci entrega di 4 ehemplar di un publicacion cu ta cubri e historia di e 75 aña di S.V. Bubali na directora di Biblioteca Nacional Aruba, Sra. Astrid Britten.

Titulo di e publicacion ta ‘Orguyonan di Noord: S.V. Bubali ta celebra su di 75 aniversio’.

Ryan Figaroa ta haci entrega di 4 ehemplar di un publicacion cu ta cubri e historia di e 75 aña di S.V. Bubali na directora di Biblioteca Nacional Aruba, Sra. Astrid Britten. Esaki ta skirbi pa e conocido autor Jossy Tromp y a keda publica na 2018. Ryan Figaroa ta presidente di S.V Bubali y el a haci biblioteca un bishita hunto cu su yiu homber.

E buki ta duna un bista riba 75 aña di futbol na Bubali y e te na unda S.V. Bubali ta awor cu 350 miembro y su propio tereno di bala y clubhuis. Tambe tin amplio atencion pa e hungadornan di futbol di Noord. Texto ta ilustra cu potret. Sport Club Bubali ta nifica hopi pa e comunidad di Noord y esaki a keda documenta pa Jossy Tromp.

Jossy Tromp (Aruba, 1954) a studia Biologia y Ley. Jossy Tromp ta ex-rector di Colegio Arubano y conoci den mundo literario pa su storianan y publicación:

  • Un anochi y otro cuenta Arubiano;
  • Cetilalma y otro cuentanan Arubiano (1988);
  • E biento di atardi y otro cuentanan Arubiano  (1998);
  • E barbulet preto y otro cuenta Arubiano’ (2007);
  • Gabilan (2009);
  • 13 cuenta (2011);
  • Tera di Waltaca;
  • obra di teatro  Camind’i cruz;
  • obra di poesia Na caminda.

Cu e obranan ‘Nos orguyo, 46 atleta Olimpico Arubano’ y ‘Orguyonan di Noord: S.V. Bubali ta celebra su di 75 aniversario’ Jossy ta demostra su interes y pasion pa e historia di mundo di deporte na Aruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options