Prolongacion cierre di frontera cu Venezuela cu tres luna mas

ORANJESTAD – Gobierno di Aruba a anuncia riba 11 di maart 2020 cu e frontera cu Venezuela ta keda cera. 

E cierre di e frontera cu Venezuela ta keda prolonga for di 10 di maart cu tres luna, pues te cu 10 di juni 2020.

Aruba como e otro paisnan den cercanía, a haya un fluho grandi di migrantenan ilegal for di Venezuela. Esaki ta pone un peso grandi riba e capacidad y recursonan limita di e paisnan. Ademas tin cu tene na cuenta e riesgonan e brote di coronavirus, cu ta haci cu Gobierno mester ta mas cauteloso. Actualmente tin atende cu e reto grandi pa peticion di asilo, specialmente personanan cu ta haci maluzo di e procedura di asilo. 

E siman aki a tuma luga un reunion na Corsou cu delegacion di Aruba, Boneiro, Corsou y Venezuela, riba peticion di Hulanda y Venezuela, pa mira si tin posibilidad pa habri e frontera. Aruba ta cauteloso den esaki, y lo kier mira prome cu Venezuela mes ta atende cu e crisis den nan pais.

Gobierno ta sigui y evalua e situacion masha di cerca, pero ainda e condicion ta difícil y no apto pa habri e frontera.

Anuncio prolongacion cierre di frontera cu Venezuela cu tres luna

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options