Programa di Hoben Activo, Hoben Feliz ta continua

ORANJESTAD – Riba 20 di januari 2020 e proyecto di Hoben Activo, Hoben Feliz a continua na Sport Centrum San Nicolas y riba 21 di januari 2020 na YMCA Dakota.

Calendario di actividad di proyecto Hoben Activo  Hoben Feliz YMCA Dakota.Meta di e programa aki ta pa motiva y promove hobennan pa hiba un bida activo y saludabel door di involucra e hobennan cu actividadnan deportivo caminda nan abilidad social y emocional ta mehora y caminda tambe e balornan humano mas importante ta keda estableci. E proyecto aki ta bou encargo di IbiSa den bon cooperacion cu Ministerio di Salubridad Publico y Deporte.

E programa a cuminsa como un proyecto piloto den e bario di San Nicolas y a resulta di ta uno sumamente exitoso. Pa e motibo aki a expande e proyecto aki den e bario di Dakota cual tambe a bay hopi bon, e idea ta pa tur bario conoce e programa di Hoben Activo, Hoben Feliz. Ta haci tur esaki den cuadro di e plan nacional di prevencion di salud. Esaki ta un plan cu ta trahando riba dje, den bon cooperacion cu Pan American Health Organization (PAHO).

Minister di Turismo, Salu Publico y Deporte, Dangui Oduber a menciona cu ta bay bin cu mas campaña di conscientisacion pa haci ehercicio y asina cambia nos estilo di biba. E idea tras di esaki ta pa den futuro baha e gastonan di AZV cu ta procedente di pashentnan cu ta sufri di suco. Pesey e programa di Hoben Activo, Hoben Feliz ta invulcra den e mucha di un edad hoben pa haci deporte, movecion pa asina hiba un bida saludabel.

E programa Hoben Activo, Hoben Feliz lo ta 2 biaha pa siman y lo continua cuminsando di dialuna 20 di januari 2020 na Sport Centrum San Nicolas y diamars 21 di januari na YMCA Dakota. Muchanan entre 8 pa 13 aña por pasa libremente pa registracion cual ta completamente gratis na Sport Centrum San Nicolas. Muchanan di 8 pa 11 aña por registra na YMCA Dakota. E programa ta cuminsa 3’or di atardi y lo termina 4:30 y lo tuma lugar riba tur dialuna, diaranson na San Nicolas y diamars y diahuebs na Dakota. E siman aki na Sport Centrum na San Nicolas lo toca e deporte di futbol y na YMCA na Dakota lo toca e deporte di capoeira. Den e proximo siman nan lo tin mas deporte manera, baseball, judo, tennis y boxeo.

Calendario di actividad proyecto Hoben Activo  Hoben Feliz  Sport Centrum San Nicolas.Adhunto por haya e calendario di actividad di Hoben Activo  Hoben Feliz:

Actividad Hoben Activo  Hoben Feliz na YMCA Dakota
Capoeiria Januari 21 Januari 23 Januari 28 Januari 30
Baseball Februari 4 Februari 6 Februari 11 Februari 13
Futbol Maart 3 Maart 5 Maart 10 Maart 12
Actividad Hoben Activo  Hoben Feliz na  Sport Centrum San Nicolas
Futbol Januari 20 Januari 22 Januari 27 Januari 29
Boxeo Februari 3 Februari 5 Februari 10 Februari 13
Tennis Februari 17 Februari 19 Februari 24 Februari 26
Judo Maart 2 Maart 4 Maart 9 Maart 11
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options