Procedura na Centro Diagnostico COVID-19

Dit item is gearchiveerd op 30-04-2020.

ORANJESTAD - Departamento di Salud Publico ta informa tocante e proceso na Centro Diagnostico di coronavirus (COVID-19).

Na momento cu un persona su sintomanan y su historia ta cuadra cu e definicion pa wordo considera un caso potencial, ta epersona invita pa presenta na Centro Diagnistico riba un dia y orario stipula.

Na e orario stipula esnan cu tin cita ta ricibi handsanitizer y un mondkapje pa bisti y despues nan por drenta paden y sinta na un distancia di otro. Tambe nan ta ricibi informacion riba topico di isolacion por medio di panfleta pa lesa.

Tin dos personal administrativo ta tuma tur dato necesario y despues ta sigui e proseso di testing of swab. Ora tur esaki ta cla e persona por bandona e luga cu tur informacion ricibi y un extra mondkapje pa uza na su cas.

Tur persona cu bin haci test ta un caso potencial y tur persona ta wordo instrui pa keda isola sperando nan resultado. Centro Diagnostico ta haci entre 50 cu 60 test pa dia. Y despues di cada rond di cita e espacio ta wordo limpia y desinfecta di nobo.

Centro Diagnostico ta haci un apelacion na esnan cu tin pa bin test, pa por fabor no presenta prome of despues di e orario di bo cita. Si bo ta trempan keda sinta den bo auto y no bin keda warda pafo. Esaki lo crea un fila di persona sin tin mester.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options