Plan nacional pa trata e problematica di kill cage y cacho riba caya

ORANJESTAD – Veterinario Sra. dr. Irene Croes a bin cu un plan nacional cu ta rekeri atencion multidiciplinario for di diferente ministerio.

Ta un hecho cu na Aruba tin hopi cacho riba caya. Pero hecho ta cu nos tin demasiado doño iresponsabel.

Ta referi na e siguiente problemanan:

  1. Kill cage/afmaakhok;
  2. Ley di cacho;
  3. Cacho riba caya;
  4. Cacho riba caya gedal door di auto.

E puntonan menciona ta resultado di doñonan di mascota iresponsabel.

Veterinario Sra. dr. Irene Croes a bin cu un plan nacional cu ta rekeri atencion multidiciplinario for di diferente ministerio.

E plan tin tres parti:

  1. Accionnan inmediato;
  2. Accionnan corto plaso;
  3. Accionnan largo plaso.

Ken tur ta forma parti di e ehecucion di e plan:

  1. Doño di cacho;
  2. NGO’s;
  3. Gobierno;
  4. Tur otro stakeholders. (p.e. City Inspector, Serlimar , KPA etc)

Un prome paso ta, comberti e ‘kill cage’ den un ‘dog act shelter’ cu ta di acuerdo cu e hondenverordening/dog act/ley di cacho na vigor ya 5 aña. Den e Regulacion Ministerial di 17 september 2013 (AB 2013 No. 67) por haya mas informacion tocante ehecucion di articulo 2, inciso 2 di e  Hondenverordening. pa loke ta trata cuido y bienestar di cacho.

Con esaki mester funciona den practica.

  • Ta bay traha riba un database cu ta fungi como e manera di reuni e doño di cacho cu su mascota, ora haya esaki riba caya;
  • Via e mesun database ta avisa NGO’s di un candidato pa adopcion.
  • Cachonan cu nan doño no bin busca nan of reclama nan (denter di maximo diez dia di trabou,) lo pone nan drumi.
  • Lo haci uzo di ‘dog catchers’;
  • Lo introduci un censo pa cacho;
  • Polis lo haya un caminda adecua pa warda e cachonan cu ta slenter riba caya. E doño e ora ey lo haya un boet.
Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options