Pa un mucha por crece sano, e mester sinta menos y hunga mas

ORANJESTAD –, Departamento di Salud Publico ta continua cu su campaña di conscientisacion tocante e importancia di hungamento pa e desaroyo sano di un mucha, segun e instruccionnan nobo publica door di ‘World Health Organization’ (WHO)

Logo World Health Organization (WHO)Pa un mucha por crece y desaroya sano ta necesario e mucha cu tin menos di 5 aña pasa menos tempo posibel inactivo y mas tempo ta hunga. Tambe ta hopi importante pa un mucha drumi bon 8 ora of mas. 

Crea un patronchi di 24 ora di actividad general ta e clave: Reemplasa ‘screen-time’ pa un wega mas activo, mientras bo ta sigur cu e muchanan chikito ta drumi suficiente y bon.  Tempo di relaha no basa riba ‘screen-time, ’ pero door di lesa un buki, conta un storia, canta y/of traha puzzel, ta hopi importante pa e desaroyo di un mucha.

Mucha (3 pa 4 aña) mester:

Pasa minimo 180 minuut pa dia haciendo un variedad di actividadnan fisico, di cual minimo 60 minuut mester ta un actividad cu ta rekeri tiki pa hopi movecion y cu ta  haci esaki durante henter e dia. Mas actividad ta miho. Evita di laga un mucha keda sinta mas cu 1 ora mes un caminda, por ehempel den un ‘stroller’, ‘highchair’, ‘carseat’. Screen-time por pero no mester ta mas cu 1 ora. Menos ta miho. 

Ta sumamente importante pa mucha di 3 pa 4 aña drumi bon pa 10 pa 13 ora, incluyendo siesta.

“Loke realmente nos mester haci ta trece bek hungamento pa e muchanan”, dr. Juana Willumsen coordinador di e seccion di obesidad infantil y actividad fisico di WHO, ta bisa. Ta trata di haci e cambio di pasa tempo sinta y no activo pa pasa tempo ta hunga, manteniendo e tempo recomenda pa drumi.

Muchanan ta hunga pa fo den naturalesaDoor di aplica e recomendacionnan aki di WHO, durante e prome 5 añanan di bida di un mucha lo contribui na e desaroyo motorico, cognitivo y salud di e muchanan pa bida largo. 

Riba e web page di World Health Organisation (WHO) por mas haya informacion tocante e recomendación nobo aki:

https://www.who.int/news-room/detail/24-04-2019-to-grow-up-healthy-children-need-to-sit-less-and-play-more

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options