Otorgamento di kavel pa nos Carnaval

ORANJESTAD – Directie Infrastructuur en Planning DIP.  e departamento cu ta encarga cu otorgamento di kavel pa nos carnaval ta informa tocante su calendario pa Carnaval 2020. 

Kavel di Carnaval Fuente: Facebook SMACTur e actividadnan aki lo tuma lugar den e edificio di infrastructura (INFRA-complex) na Sabana Blanco no. 68.

Buzonnan pa peticion pa kavel
Publico por cumpra su peticion pa kavel na DIP y lo tin 5 buzon pa deposita e peticionnan. Dos buzon ta pa kavel pa parada grandi na Oranjestad, un buzon pa kavel pa bende cuminda y bebida pa Carnaval na San Nicolas, un buzon pa bende cuminda y bebida pa Carnaval na Noord y un buzon pa bende cuminda y bebida pa Carnaval na Oranjestad.

Kavel di Carnaval Fuente: Facebook SMACDiabierna 6 di december 2019 notario lo seya e 5 buzonnan pa 9’or di mainta
Tambe for di diamars 7 di januari 2020 te cu dialuna 13 di januari 2020 por cumpra y deposita peticion pa kavel pa Carnaval 2020 na oficina di DIP di 8.00 a.m. pa 12.00 p.m. y di 1.00 p.m. pa 3.30 p.m.
Diamars 14 di januari 2020 den presencia di notario lo saca e nombernan di e personanan cu ta bin na remarca pa un kavel.
Tur persona cu ta bin na remarca pa haya un kavel mester tuma bon nota di e condicionnan aplicabel pa e permiso di e kavel. Si no cumpli cu un of mas di e condicionnan stipula den e permiso, lo cancela e permiso y lo otorga e kavel na e siguiente persona riba lista. Tambe e persona lo no bin na remarca mas pa haya permiso pa un kavel pa Carnaval den futuro.

DIP no ta acepta ningun poder (machtiging) pa bin busca permiso pa un kavel. E persona cu a bin na remarca pa haya un kavel mester ta personalmente presente na DIP pa busca su permiso.

Personanan ta disfruta parada di carnaval den nan kavel. Fuente: Facebook SMACPeticion pa kavel pa trailer, stellage of auto
Tur persona mayor di edad (18 aña pariba) por haci un peticion na Minister encarga cu Infrastructura, pa medio di DIP pa bin na remarca pa haya un kavel canto di caminda riba e ruta di Carnaval na Oranjestad. Si e persona cu a haci peticion no tin 18 aña ainda automaticamente su peticion ta invalido.

Cada peticion ta costa Af. 4,= na stampia, segun e Zegelverordening (AB 1998 no. GT 1), art. 34.
Un persona por bin na remarce pa permiso pa un kavel so. Si acaso un persona su nomber sali mas cu un biaha, e prome biaha so lo conta pa haya un kavel. Igual ta conta si acaso un adres sali mas cu un biaha, e prome nomber registra na e adres ey ta conta pa un kavel.
Kavel di Carnaval Fuente: Facebook SMACPrijs pa kavel (permiso) ta: Afl. 25,= pa retributie, Afl. 4,= stampia y Afl. 135,= pa precario, segun e Retributie en Legesbesluit Directie Infrastructuur en Planning (AB 2004 no. 7), art. 1.

Personanan cu ta bin na remarca pa haya un kavel pa medio di e tombola na oficina di DIP tin cu acudi personalmente na DIP situa den e Compleho di Infrastructura na Sabana Blanco 68 pa scoge su kavel. E scohemento di kavel lo bay segun e secuencia cu a saca e nombernan for di e tombola. E persona cu bin scoge su kavel mester bin cu un identificacion valido, sea cedula, rijbewijs of paspoort.

Den caso cu un persona cu a bin na remarca pa un kavel y no a haci uzo di esaki un siman prome cu e dia di e parada grandi di carnaval esta diadomingo dia 16 di februari 2020, e permiso ta caduca y DIP por duna e kavel aki na un di e otro personanan cu ta aparece riba e lista di espera na DIP.

Desde dialuna dia 3 di februari 2020 ta permiti pa pone trailer, stellage of auto (entre 7.00 a.m. y 7.00 p.m.) cu excepcion di L.G. Smith Boulevard caminda DOW lo instala tent. Prome cu dialuna dia 09 di maart 2020 tur trailer, stellage of auto mester ta kita.

Calendario DIP otorgamento di kavel Carnaval 2020
Fecha Actividad Orario Lugar
Diabierna 6 di december 2019 Notario lo seya e 5 buzonnan  9’or di mainta Oficina di DIP
Diamars 7 di januari 2020 te cu dialuna 13 di januari 2020 Por cumpra y deposita peticion pa kavel pa Carnaval 2020 di 8.00 a.m. pa 12.00 p.m. y di 1.00 p.m. pa 3.30 p.m. Oficina di DIP
Diamars 14 di januari 2020 Den presencia di notario lo saca e nombernan di e personanan cu ta bin na remarca pa un kavel Oficina di DIP

Promer dia, diasabra, 1 di februari 2020

Procedura pa scogemento di kavel:
1) tur buffetvergunning pa districto di Oranjestad.
2) number 1 te cu number 50 (trailer/tent/stellage).
3) pauze ± 1 ora.
4) number 51 te cu number 100 (trailer/tent/stellage).
Cuminsando for di 8.00 a.m. en punto. Oficina di DIP
Segundo dia, diadomingo, 2 di februari 2020

Procedura pa scogemento di kavel:
1) tur buffetvergunning pa districto di Noord y San Nicolas.
2) number 101 te cu number 150(trailer/tent/stellage).
3) pauze ± 1 ora.
4) number 151 te cu e ultimo number (trailer/tent/stellage)

Cuminsando di 8.00 a.m. en punto. Oficina di DIP
Dialuna 3 di februari 2020 Ta permiti pa pone trailer, stellage of auto  Entre 7.00 a.m. y 7.00 p.m
Diadomingo 16 di februari 2020 Si no haci uzo di e kavel prome un siman prome cu e dia di e parada grandi di carnaval cu 16 di februari  e permiso ta caduca
Prome cu dialuna dia 09 di maart 2020 Tur trailer, stellage of auto mester ta kita.
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options