Organisacion di Salud Mundial a declara emergencia di salud internacional pa novel corona virus (2019-NCOV)

ORANJESTAD - Pa medio di esaki Gobierno di Aruba, Ministerio di Turismo, Salud y Deporte ta anuncia cu riba dia 30 di januari 2020 pa mas o menos 3.45 pm ora local di Aruba, Organisacion di Salud Mundial (WHO) a declara Novel Corona Virus (2019-nCoV) como un malesa di importancia pa salud publico di emergencia internacional (Public Health Emergency of International Concern, PHEIC).

CoronavirusE motibo cu WHO a haci esaki ta pasobra tin paisnan no ta bon prepara y pa nan por haya entre otro e fondonan pa por prepara miho.

Kico esaki ta significa pa Aruba. E situacion ta keda mescos solamente cu e nos ta hisa e nivel di preparacion. Pa ta mas pro-activo den nos sistema di salud pa e momento cu tin un caso sospechoso, atende mas diligente posibel. Cu esaki kiermen cu e sistema di vigilancia mester ta hopi atento pa detecta un caso trempan. Pa asina por isola y maneha e caso sospechoso segun e proceduranan vigente.

Aruba NO tin ningun caso sospechoso te na e momentonan aki. Si tin cualkier informacion nobo of adicional, claro despues cu verifica esaki, Gobierno di Aruba lo comunica esey na pueblo mas lihe posibel.

Coronavirus            Sintoma Coronavirus

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options