Opcion pa studiante di Aruba studia na Fisk University y Meharry Medical College na Merca

ORANJESTAD – Receintemente, e respresentantenan di Fisk University y di Meharry Medical College a haci un bishita di cortesia cerca Minister di Enseñansa dr. Armando Rudy Lampe.

Representantenan di Fisk University and Meharry Medical University, Minister di Enseñansa, Sciencia y Desaroyo Duradero, dr. Armando Rudy Lampe  y Sra. Muzaninn Wever kende ta juridisch beleidsadviseur na Departamento di Enseñansa.E representantenan a elabora riba tur loke e universidadnan aki tin di ofrece na estudiantenan di Aruba cu lo desea di bay studia na Merca. 

Fisk University ta un ‘undergraduate liberal arts university’ y Meharry Medical College ta un ‘graduate college’ y tur dos ta ubica na Nashville, Tennessee. Meharry Medical College adicionalmente ta interesa pa traha conhuntamente cu Xavier University pa por introduci un facultad di odontologia aki na Aruba.

E gastonan pa por atende e Universidad aki ta alrededor di $32.000 cual ta un suma basta halto pero ta existi e posibilidad cu e studiantenan di Aruba por bin na remarca pa ‘merit-scholarships’ cual suma ta varia pero por alcansa e suma di mas halto cu ta $15.000. Si e studiante logra haya e beca (scholarship) aki e gastonan pa atende e Universidad aki lo baha considerablemente haciendo e aanvulling di e Arubalening pa paga e suma completo posibel.

E unico criteria ta cu e studiante lo mester mantene un grade point average (GPA) minimo pa por mantene e beca aki’. Otro posibilidad cu e studiantenan tin pa por cubri e gastonan aki ta pa aplica pa ‘work-study permit’ na unda nan tin e posibilidad di traha y studia y asina gana un suma pa alivia e gasto halto pa atende e Universidad.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options