Oficina di Estadistica (CBS) ta preparando pa e Programa Piloto di Censo 2020 cu lo tuma luga dia 3 pa 13 di october proximo.

ORANJESTAD –Recientemente Oficina di Estadistica (CBS) a duna un presentacion interesante en conexion cu e preparacion di e Programa Piloto di Censo 2020 ‘Pasobra Aruba ta conta cu bo’.

E Programa Piloto lo cuminsa diahuebs dia 3 di october y lo termina diadomingo dia 13 di october 2019. Pa ehecuta esaki, CBS ta recluta y train personanan confiabel y capacita pa por haci e tarea aki. Den e Programa Piloto aki e encuestadornan lo bishita algun hogar selecciona pa CBS pa completa a formulario di Censo 2020. E meta di e Programa Piloto aki ta pa test e procedura di e informacion cu lo colecta, ya cu e Censo 2020 lo ta completamente digital.

Ad Censo 2020Gobierno di Pais Aruba tin den su programa gubernamental e programa di Metanan di Desaroyo Sostenibel di Nacionnan Uni (SDG’s). Censo 2020 ta un instrumento masha importante durante cual por ricibi informacionnan valioso pa asina por midi na e lista di e metanan cu Nacionnan Uni a establece. Ademas varios instancia y hende individual por haci uzo di e informacion colecta den Censo 2020.

Minister di sunto Economico, Finansa y Cultura Sr. Xiomara Ruiz-Maduro,  cu a atende e presentacion, ta desea e expertonan di CBS hopi  exito cu e preparacion di e Programa Piloto y ta yama danki na tur e boluntarionan cu lo coopera pa haci e encuesta nacional aki. Alabes e mandatario ta haci un yamada na nos pueblo pa coopera cu e encuestadornan pa asina e programa piloto di Censo 2020 por ta exitoso.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options