Normal nobo ta permiti pa scolnan habri. Contagio entre muchanan ta hopi chikito!

ORANJESTAD – Durante e conferencia di prensa di 14 di mei, 2020, Prome Minister mr. Evelyn Wever Croes a informa cu entrante 18 di mei 2020 e scolnan cu ta cla cu tur medida di precaucion, por habri.

Casonan di muchanan infecta cu COVID-19 bou na ArubaGobierno no ta bay obliga ningun mayor pa manda nan yiu scol. pero Gobierno tin un responsabilidad si y no tin niun hustificacion pa mantene e scolnan cera y p’esey scol lo habri cu hopi medida di precaucion Esaki ta e fecha cu e nivel 2 di flexibilisacion di e medidanan relaciona cu COVID, ta cuminsa.

Na Aruba por a nota cu masha poco mucha bou di 15 aña a wordo contagia cu e virus di Covid-19. Na Aruba nos tin 101 caso di contagio di Covid-19. Di 0-4 aña nos tin 0 caso. Di 5-9 aña nos a conoce 2 caso di cual niun di dos a wordo hospitalisa. Di 10-14 nos a conoce 5 caso cu tampoco niun a wordo hospitalisa. Di 101 caso, solamente tawata tin 7 caso entre edad 5-14 aña. (grafico 1)

Casonan di COVID-19 na ArubaE percentahe di muchanan cu ta wordo infecta cu e virus na Aruba ta chikito, 4 % di e total compara cu adultonan cu ta 96%. (grafico 2)

Datonan recien di WHO tambe ta confirma cu rond mundo muchanan no ta wordo infecta mucho lihe cu Covid-19 y tampoco ta haya complicacionnan grave. (grafico 3)

Den su presentacion di dialuna anochi 11 di april, dr. van Trigt di Huisartsenvereniging Aruba (HAVA) a indica cu e cifranan aki ta positivo y ta mustra cu muchanan no ta wordo contagia hopi lihe cu e virus di Covid.

Distribucion edad y sexo casonan di COVID-19Tur mucha cu ta registra na Aruba cu Covid-19 a haya esaki di adultonan den nan cas. Ta sigur tambe cu e muchanan mes no a transmiti esaki na adulto ni na otro muchanan. Esaki ta confirma cu e riesgo di contagio entre muchanan ta hopi chikito.

Mirando cu e contagio na Aruba ta bou control y cu e virus no ta plamando hopi mas, a yega e momento tambe pa na Aruba nos cuminsa habri scolnan. Claro cu mester sigui e medidanan di precaucion y proteha esnan mas vulnerabel tanto e maestronan y como e studiantenan.

Tur scol mester aplica e instruccionnan y reglanan entre otro reglanan di higiena:

  • Laba man cu awa y habon,
  • structura di klasnan: bankinan etc,
  • limpiesa: mas regular.
Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options