Minister Xiomara Maduro a entrega presupuesto 2020 na Parlamento di Aruba

Dit item is gearchiveerd op 05-04-2020.

ORANJESTAD – Riba 4 di maart 2020,  Minister di Finansa, Asunto Economico y Cultura Sra. Xiomara Maduro den nomber di Gobierno di Aruba a entrega Presupuesto 2020 pa Pais Aruba na Parlamento di Aruba.

Minister Sra. Xiomara Maduro a entrega Presupuesto 2020 pa Pais Aruba na Presidente di Parlamento di Aruba, Sr. Ady Thijsen den companía di Secretario di Conseho di Minister, mr. Grace Koolman y griffier di Parlamento, Sr. Herman Hek.Presupuesto 2020Entrega di Presupuesto 2020 na e Presidente di Parlamento Sr. Ady Thijsen a bay na un manera digital por medio di un 'usb stick' den forma di un bara di oro. Ta e promer presupuesto desde aña 2008 cu ta conta cu un surplus. E entrega di awe ta marca e era di presupuesto cu mester conta cu un surplus pa asina nos por hiba finanzas publico den un rumbo solido, transparente y duradero. Secretario di Conseho di Minister Sra. mr. Grace Koolman y Griffier di Parlamento Sr. mr. Herman Hek tabata presente na momento di e entrega di e Presupuesto 2020.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options