Minister Romero ta ratifica su decision di no permiti vehiculo Right Hand Drive (RHD) core cu plachi TX, T, O, B, V.

ORANJESTAD – Minister di Transporte, Comunicacion y Sector Primario Chris Romero ta ratifica si decision di december 2019 pa no permiti pa vehiculonan conoci como Right Hand Drive (RHD), core como Taxi (TX), Tour (T), Ongeregeldvervoer (O), Bus (B), Verhuurauto (V) y Motorfietsvervoer (MFV).

E decision aki a keda tuma basa riba diferente factor crucial, cual esun principal ta e siguridad di e pasaheronan cu subi den un vehiculo di transporte publico cu ta RHD.

Vehiculonan cu stuur na man drechiTa asina cu for di algun tempo caba e companianan di seguro na Aruba a cuminsa avisa cu nan no lo sigui sigura e vehiculonan tipo RHD cu ta destina pa duna un servicio comercial. Tambe for di diferente instancia ta sali diferente ponencia di cual por conclui cu un vehiculo di transporte publico cu ta RHD, por pone e usuario su integridad fisico na peliger. Segun Minister Romero a duna di conoce cu “si bo transporta un persona dilanti, ora e baha e ta haci’e band’i caminda y no na banda di acera, cual riba su mes ta un peliger caba. Y como cu mayoria di e usuarionan di transporte publico na Aruba ta turista, nos tin di pensa pa proteha nos turismo pasobra si algo pasa den e indole aki, e lo bira un mal propaganda internacional pa nos pais”.

Lo bay tin un fase transitorio pa esnan cu actualmente ta haciendo uzo di un vehiculo tipo RHD pa duna servicio di Taxi. A pone e vergunninghouders cu ta haciendo uzo di un vehiculo RHD caba na altura di e decision aki di Minister Romero, y nan ta haya un tempo adecua pa busca un vehiculo cu ta apto pa core riba nos careteranan na Aruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options