Medidanan di precaucion coronavirus COVID-19

Dit item is gearchiveerd op 27-03-2020.

ORANJESTAD - Actualmente e expertonan y organisacionnan internacional ta studiando e virus COVID-19 su caracteristicanan pa por ofrece un forma di proteccion contra dje. 

Coronavirus COVID-19-virusTe na e momento aki e expertonan por a conclui cu e virus ta pasa di hende pa hende atrabes di e particulanan cu ta keda den aire of riba superficie na momento cu un hende malo cu síntoma respiratorio manera griep, tosa of nister. P’esey e expertonan y DVG ta recomenda como medida di prevencion :

  1. Evita contacto directo cu persona nan cu tin un infeccion respiratorio;
  2. Laba man frecuentemente cu awa y habon of uza “hand sanitizer” principalmente prome cu come;
  3. Evita di mishi cu bo wowo, nanishi y boca mirando cu esaki ta e ruta cu e virus ta uza pa drenta bo curpa y sigui reproduci su mes.
  4. Tambe ta haci un suplica na esnan cu ta malo cu sintomanan respiratorio manera griep pa evita bay den publico y keda cas pa proteha otronan. Esnan cu sintomanan respiratorio, practica etiketa di tosa (tosa of niester den elleboog of den un napkins y laba man despues)
  5. Si bo persona a regresa di un area afecta y den 14 dia of menos desaroya sintomanan respiratorio, tuma contacto preferiblemente via telefon cu bo dokter di cas y comparti bo historia di biahe.

Informacion ricibi for di WHO  ta indica cu tur hende di tur edad por haya e infeccion aki, pero esnan mas vulnerable pa haya complicacion ta persona nan di edad halto cu un condicion medico existente (esnan diabetico, cuta sufri di cancer of cu un malesa di curason). Por compara e virus aki cu virus di influenza pero influenza su grado di mortalidad ta mas halto cu COVID-19.

Den e foyeto aki y video por haya mas informacion tocante e medidanan di precaucion pa preveni coronavirus.

Si tin cualkier pregunta encuanto e COVID-19, por fabor tuma contacto cu Servicio di Malesanan Infeccioso na number di telefoon 5224224/5224236/5224237/5224261/5224264 of na Departamento di Epidemiologia y Investigacion 5224285

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options